नेकपाले गर्यो निर्वाचन आयोग पुगेर सनाखत
सारांश
- नेपाल कम्युनिष्ट पार्टी(नेकपा)का महासचिव नेत्रविक्रम चन्द ‘विप्लव’ सहितका नेताहरुले निर्वाचन आयोग पुगेर सनाखत गरेका छन् ।
- शुक्रबार विप्लव, प्रवक्ता खड्गबहादुर विश्वकर्मासहितका नेताहरु आयोग पुगेर सनाखत गरेका हुन् ।
- दल दर्ताको निवेदन दिएको नेकपालाई दर्ताका लागि आवश्यक कागजातसहित सनाखतका लागि आयोगले बोलाएपछि उनीहरू आज सनाखत गर्न गएका हुन् ।
२१ कात्तिक, काठमाडौं ।
नेपाल कम्युनिष्ट पार्टी(नेकपा)का महासचिव नेत्रविक्रम चन्द ‘विप्लव’ सहितका नेताहरुले निर्वाचन आयोग पुगेर सनाखत गरेका छन् । शुक्रबार विप्लव, प्रवक्ता खड्गबहादुर विश्वकर्मासहितका नेताहरु आयोग पुगेर सनाखत गरेका हुन् । दल दर्ताको निवेदन दिएको नेकपालाई दर्ताका लागि आवश्यक कागजातसहित सनाखतका लागि आयोगले बोलाएपछि उनीहरू आज सनाखत गर्न गएका हुन् ।
सनाखतपछि सञ्चारकर्मीहरुसँगको कुराकानीमा महासचिव विप्लवले जनताको सेवा गर्ने पार्टीभन्दा अर्को साधन आफूहरुसँग नभएको भन्दै दल दर्ता गर्नुपर्ने बाध्यता रहेको बताए । नेकपाले अहिलेसम्म देश र जनतालाई क्षति हुने कुनै काम नगरेको र गर्न पनि नदिएको दावी गर्दै उनले निर्वाचन मार्फत सिंगै देशलाई बदल्ने बताए । उनले भने,‘यो जनताको सेवा गर्ने पार्टीभन्दा अर्को साधन हामीसँग छैन। त्यसैले पनि दल दर्ता गर्नैपर्छ । यो नयाँ पार्टी हो त्यसैले जनताको इच्छा अनुसार नै कदम चाल्ने छ । नेकपाले अहिलेसम्म देश र जनतालाई क्षति हुने कुनै काम गरेको छैनर गर्न पनि दिएको छैन,निरन्तर लड्दै आइरहेको छ । जनताको सुझाव अनुसार नै हामी संघर्षरत रहने छौं ।निर्वाचनमा सिंगै देशलाई बदल्ने हो ।’
प्रतिक्रिया