युरोपका तीन ठूला विमानस्थलमा साइबर हमला

ब्रसेल्स विमानस्थलका अधिकारीहरूको भनाइ अनुसार शुक्रबार राति विमानस्थलको चेक–इन र बोर्डिङ प्रणालीसँग सम्बन्धित सेवा प्रदायक कम्पनीमाथि साइबर आक्रमण भएको हो । हीथ्रो युरोपकै सबैभन्दा व्यस्त विमानस्थल हो। यहाँ पनि धेरै उडानहरू रद्द गर्नुपर्‍यो । ह्याकरको निसानामा कोलिन्स एयरोस्पेस प्रणाली ह्याकरहरूले कोलिन्स एयरोस्पेस कम्पनीको प्रणालीलाई आक्रमण गरेका हुन्। यही कम्पनीले यी विमानस्थलहरूमा चेक–इन र बोर्डिङ प्रणालीको सुविधा उपलब्ध गराउँछ । कोलिन्स एयरोस्पेसको मूल कम्पनी आरटीएक्सले समस्या छिट्टै समाधान गर्ने प्रयास भइरहेको जनाएको छ। फ्र्याङ्कफर्ट र ज्युरिख जस्ता युरोपका ठूला विमानस्थल भने यस आक्रमणबाट जोगिएका छन् ।

अमेरिकामा पनि १८०० भन्दा बढी उडान ढिलो, सयौँ रद्द अमेरिकाको डलासस्थित दुई विमानस्थलमा शुक्रबार १८०० भन्दा बढी उडान ढिलो भए। यी विमानस्थलहरूमा टेलिकम प्रणालीमा समस्या आएको थियो । यसका कारण फेडरल एभिएशन एडमिनिस्ट्रेशन (एफएए) ले ग्राउन्ड स्टप आदेश जारी गर्‍यो । एफएएले स्थानीय टेलिकम कम्पनीका उपकरणमा खराबी आएको जनाएको छ । यस खराबीका कारण अमेरिकन एयरलाइन्सले २०० भन्दा बढी उडान रद्द गर्‍यो र ५०० भन्दा बढी ढिलो भए । साउथवेस्ट एयरलाइन्सका ११०० भन्दा बढी उडान पनि ढिलो भए ।