नयाँ सरकारको काम सिंहदरबारबाटै सुरु हुन्छ : मुख्यसचिव अर्याल
सारांश
- मुख्यसचिव एकनारायण अर्यालले नयाँ सरकारको काम सिंहदबारबाटै हुने बताएका छन् ।
- क्षतिग्रस्त सिंहदरबारको अवलोनपछि मुख्य सचिवले नारायणहिटीबाट सञ्चालन गर्ने भनि चलेको हल्लामात्र भएको बताए ।
- ‘त्यो अनुसारको व्यवस्थापन हामी गर्छौं ।
२७ भदौ, काठमाडौं ।
मुख्यसचिव एकनारायण अर्यालले नयाँ सरकारको काम सिंहदबारबाटै हुने बताएका छन् । क्षतिग्रस्त सिंहदरबारको अवलोनपछि मुख्य सचिवले नारायणहिटीबाट सञ्चालन गर्ने भनि चलेको हल्लामात्र भएको बताए । ‘त्यो अनुसारको व्यवस्थापन हामी गर्छौं । अभिलेखको क्षति कल्पना समेत गर्न सकिँदैन । पूर्वाधार र सवारीको क्षतिबारे प्राविकि रुपमा आकलन गर्छौं,’ उनले भने । अब बन्ने नागरिक सरकारसँग काम गर्न कर्मचारी प्रशासन तयार रहेको बताएका छन् ।
‘सरकार सञ्चालनको विषयम आएको सबै हल्ला हो । सम्भवतः सिंहदरबारबाटै सरकार गठन हुने छ,’ मुख्यसचिव अर्यालले भने । उनले त्यसका लागि आवश्यक व्यवस्था गर्ने काम सुरु गर्न निर्देशनसमेत दिइसकेको बताए । शुक्रबार सिंहदरबारस्थित भौतिक पूर्वाधारहरुको निरीक्षणपछि सञ्चारकर्मीहरुसँग कुरा गर्दै मुख्यसचिव अर्यालले जेनजीको मागअनुसार गठन हुने सरकारसँग काम गर्न ब्युरोक्रेसी तयार रहेको बताएका हुन् । अर्यालले मुलुकका अत्यावश्यक सेवाहरू अवाधित रूपमा सञ्चालन भइरहेको र सेवाप्रवाहलाई अझ प्रभावकारी बनाउन सम्बन्धित निकायलाई निर्देशन दिइएकोसमेत जानकारी गराए ।
प्रतिक्रिया