रवीन्द्र मिश्रलाई थुनामुक्त गर्न सर्वोच्चको आदेश
सारांश
- सर्वोच्च अदालतले राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रवीन्द्र मिश्रलाई थुनामुक्त गर्न आदेश दिएको छ ।
- मिश्रको बन्दी प्रत्यक्षीकरण रिटमा शुक्रबार सुनुवाइ गर्दै न्यायाधीशद्वय तीलप्रसाद श्रेष्ठ र कुमार चुडालको संयुक्त इजलासमा उनलाई रिहाइ गर्न आदेश दिएको सर्वोच्च अदालतका सहायक प्रवक्ता निराजन पाण्डेले लोकान्तरलाई जानकारी दिए ।
- राजावादीहरूले गत चैत १५ गते काठमाडौंको तीनकुनेमा गरेको हिंसात्मक प्रदर्शनकै दिन बेलुका मिश्र पक्राउ परेका थिए ।
२ जेठ, काठमाडौं ।
सर्वोच्च अदालतले राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रवीन्द्र मिश्रलाई थुनामुक्त गर्न आदेश दिएको छ ।मिश्रको बन्दी प्रत्यक्षीकरण रिटमा शुक्रबार सुनुवाइ गर्दै न्यायाधीशद्वय तीलप्रसाद श्रेष्ठ र कुमार चुडालको संयुक्त इजलासमा उनलाई रिहाइ गर्न आदेश दिएको सर्वोच्च अदालतका सहायक प्रवक्ता निराजन पाण्डेले लोकान्तरलाई जानकारी दिए ।
राजावादीहरूले गत चैत १५ गते काठमाडौंको तीनकुनेमा गरेको हिंसात्मक प्रदर्शनकै दिन बेलुका मिश्र पक्राउ परेका थिए । उनी जिल्ला प्रहरी परिसर काठमाडौंको हिरासतमा छन् । सर्वोच्चको आदेशसँगै अब उनी हिरासतमुक्त हुनेछन् ।
मिश्रमाथि राज्य विरूद्धको कसुर, संगठित अपराध र आपराधिक उपद्रव मुद्दामा प्रहरीले अनुसन्धान चलिरहेको थियो । पछिल्लोपटक वैशाख ३० गते काठमाडौं जिल्ला अदालतले मिश्रसहितलाई थप पाँच दिन हिरासतमा राख्न अनुमति दिएको थियो ।
प्रतिक्रिया