सिन्धुलीमा गाडी र मोटरसाइकल ठोक्किंदा एक जनाको मृत्यु, ९ जना घाइते

२१ चैत, काठमाडौ । 

सिन्धुलीमा ईभी गाडी र मोटरसाइकल ठोक्किएर भएको दुर्घटनामा एक जनाको मृत्यु भएको छ । ९ जना घाइते भएका छन् । जिल्ला प्रहरी कार्यालय सिन्धुलीका नायव उपरीक्षक (डीएसपी) अनिलकुमार खड्काका अनुसार सिन्धुलीको तीनपाटन गाउँपालिका-१० औलडाँडाका २६ वर्षीय प्रेम रानामगरको मृत्य भएको हो । उनी मोटरसाइकल चालक हुन् ।

उनको नगरअस्पताल सिर्थौलीमा उपचारका क्रममा मृत्यु भएको हो । आज बिहान करिब साढे ८ बजे दुधौली नगरपालिका-४ स्थित मदनभण्डारी राजमार्गअन्तर्गत सडकमा डकाहाबाट दुधौली जाँदै गरेको प्र २-०१-००१ प ७०११ नम्बरको मोटरसाइकल र उदयपुर गाईघाटबाट काठमाडौं आउँदै गरेको बा.प्र.०३-०१ ज ४४५ को ईभी गाडी ठोक्किएका थिए । दुर्घटनामा घाइते भएका ९ जना ईभी गाडीमा सवार व्यक्ति हुन् । ईभीका चालक उदयपुर त्रियुगा नगरपालिका-६ का ३८ वर्षीय वीरेन्द्रकुमार बस्नेतलाई प्रहरीले नियन्त्रणमा लिएको छ ।

घाइतेहरुको नामावली

१. जिल्ला उदयपुर त्रियुगा न.पा.११ बस्ने  वर्ष ४३ की  रुक्मा बस्नेत खड्काको टाउकोमा चोट, अबस्था मध्यम । २. जिल्ला उदयपुर लालपत्ता गा.पा.६  बस्ने  वर्ष २९ की रोशनी माया तामाङ दुबै खुट्टा र ढाडमा चोट अबस्था मध्यम  (१०:३५ मा ट्रमा सेन्टर, काठमाण्डौं रिफर भएको ) । ३. जिल्ला उदयपुर त्रियुगा न.पा १० बस्ने वर्ष ७० की सकुन्तला बस्नेतको दुबै खुट्टा र बाया हातमा चोट, अवस्था सामान्य । ४. ऐ. ऐ. ११  बस्ने  वर्ष १६ को आकृत खड्काको टाउकोमा चोट, अबस्था सामान्य । ५. ऐ.ऐ. ६ बस्ने वर्ष ३५ की तारा बि.क.को  दुबै खुट्टा र दाहिने हातमा चोट, अबस्था मध्यम । ६. ऐ. ऐ. ११ बस्ने वर्ष ३७ को बिन्दा कटुवालको टाउँको, दुवै हात र खुट्टामा चोट, अवस्था मध्यम । ७  ऐ.ऐ. बस्ने वर्ष ७ कि सिजु राउतको बाँया खुट्टामा चोट, अवस्था सामान्य । ८. जिल्ला उदयपुर रौतामाई गा.पा.२ बस्ने वर्ष १७ को योन्जन खड्काको ढाडमा चोट, अवस्था सामान्य । ९. जिल्ला सिन्धुली दुधौली न.पा. ८ बस्ने वर्ष ४८ कि चुडा कुमारी मिश्रको दुबै खुट्टामा चोट, अवस्था सामान्य ।