रास्वपाको केन्द्रीय समिति बैठक अर्को हप्ता बस्ने
सारांश
- राष्ट्रिय स्वतन्त्र पार्टी(रास्वपा)ले अर्को हप्ता केन्द्रीय समिति बैठक बोलाउने निर्णय गरेको छ ।
- आइतबार केन्द्रीय कार्यालय बालाजुमा बसेको सचिवालय बैठकले केन्द्रीय समिति बैठक बोलाउने निर्णय गरेको कार्यवाहक प्रवक्ता मनिष झाले जानकारी दिए ।
- ‘सचिवालय बैठक बोलाउने निर्णय गरेको छ तर कुन दिन कति बजे बस्ने भन्नेबारे निश्चित भएको छैन ।
४ चैत, काठमाडौँ ।
राष्ट्रिय स्वतन्त्र पार्टी(रास्वपा)ले अर्को हप्ता केन्द्रीय समिति बैठक बोलाउने निर्णय गरेको छ । आइतबार केन्द्रीय कार्यालय बालाजुमा बसेको सचिवालय बैठकले केन्द्रीय समिति बैठक बोलाउने निर्णय गरेको कार्यवाहक प्रवक्ता मनिष झाले जानकारी दिए ।
‘सचिवालय बैठक बोलाउने निर्णय गरेको छ तर कुन दिन कति बजे बस्ने भन्नेबारे निश्चित भएको छैन । महाधिवेशनको तयारी, समसामयिक राजनीतिक तथा पार्टीको भावी नीति र योजना लगायत विषयमा छलफल गर्न बैठक बोलाउन लागिएको हो’, उनले भने ।
यसअघि रास्वपाले वैशाखको तेस्रो साता महाधिवेशन गर्ने निर्णय गरेको थियो । पार्टी सभापति रवि लामिछानेमाथि सहकारी ठगी मुद्दा लागेकोले निर्धारित समयमै महाधिवेशन हुने वा नहुनेमा अन्योल देखिएको छ । यद्यपि नेताहरूले निर्धारित समयमै महाधिवेशन हुने दाबी गरेका छन् ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया