बर्दियामा एकैदिन ६ जना फरार प्रतिवादी पक्राउ
सारांश
- ईलाका प्रहरी कार्यालय, मैनापोखर र ढोढरीबाट खटिएको प्रहरी टोलीले उनीहरूलाई पक्राउ गरेको हो ।
- पक्राउ पर्नेमा जिल्ला अदालत, बर्दियाको विभिन्न मितिमा कैद तथा जरिवाना सजाय भई फरार रहेका अंश र लागूऔषध मुद्दाका प्रतिवादी रहेका छन् ।
- अदालतबाट ०७९ साल कार्तिक २० गतेको फैसलाले अंश मुद्दामा दोषी ठहर भएका बढैयाताल गाउँपालिका-४ की सिखनी थरुनी र सोही ठाउँकी अन्जु थारु रहेका छन् ।
२७ पुस, बर्दिया — प्रहरीले एकै दिन ६ जना फरार प्रतिवादी पक्राउ गरेको छ । ईलाका प्रहरी कार्यालय, मैनापोखर र ढोढरीबाट खटिएको प्रहरी टोलीले उनीहरूलाई पक्राउ गरेको हो ।
पक्राउ पर्नेमा जिल्ला अदालत, बर्दियाको विभिन्न मितिमा कैद तथा जरिवाना सजाय भई फरार रहेका अंश र लागूऔषध मुद्दाका प्रतिवादी रहेका छन् । अदालतबाट ०७९ साल कार्तिक २० गतेको फैसलाले अंश मुद्दामा दोषी ठहर भएका बढैयाताल गाउँपालिका-४ की सिखनी थरुनी र सोही ठाउँकी अन्जु थारु रहेका छन् । यसै गरी सोही मुद्दाका उक्त गाउँपालिका–३ का सादिर अली शेष र सोही गाउँपालिका–७ धनीराम भन्ने रामधनी चमार पनि पक्राउ परेका छन् ।
शेषलाई अदालतले ०८० साल पुस ९ गते र चमारलाई ०८१ असार २६ गतेको फैसलाबाट सजाय तोकेको थियो । त्यसैगरी बढैयाताल गाउँपालिका–१ का सुजन पुन मगर र मधुवन नगरपालिका–४ का किशोर लागूऔषध मुद्दामा ०८१ साल असार ३ गतेको अदालतको सजाय फैसलाले फरार प्रतिवादी हुन् । उनीहरूलाई पक्राउ गरी जिल्ला अदालतमा पेश गरिएको जिल्ला प्रहरी कार्यालय, बर्दियाका सूचना अधिकारी एंव डीएसपी ऋषिराम घर्ती मगरले जानकारी दिए ।
प्रतिक्रिया