सर्लाही सदरमुकाम मलंगवामा कर्फ्यू आदेश जारी।
सारांश
- झडप नियन्त्रण गर्न प्रहरीले १६ सेल अश्रुग्यास र एक राउण्ड हवाइ फायर समेत गरेका थिए।
- शनिबार बिहानदेखि स्थानिय केही युवाहरूले नगरको विभिन्न चौकमा टायर बालेर पर्दर्शन र केही ठाउँमा ढुंगामुढा गरेपछि अति आवश्यक पसल बाहेक अन्य पसलहरू बन्द गरेसँगै ठाउँठाउँमा ठुलो संख्यामा सुरक्षाकर्मीहरू खटाइएका छन्।
- जिल्ला प्रसाशन कार्यालय सर्लाहीले सर्वदलीय, सर्वपक्षीय भेला बोलाएर जातीय र धार्मिक सद्भाव कायम राख्न अपिल गर्दै सामाजिक सद्भावमा खलल पुर्याउने गतिविधि नियन्त्रण गर्न हरेक उपाय अपनाउने सर्वदलीय/सर्वपक्षीय समन्वय बैठकको निर्णयनिर्णय लिइएको थियो।
सर्लाही सदरमुकाम मलंगवामा कर्फ्यू आदेश जारी
सर्लाही- शुक्रबार साझ कृष्ण जन्माष्टमीको मूर्ति सेलाउने क्रममा दुई पक्षबीच झडप र ढुंगामुढा भएपछि सदरमुकाम मलंगवामा स्थानीय प्रशासनले शनिबार कर्फ्यू आदेश जारी गरेको छ।
झडप नियन्त्रण गर्न प्रहरीले १६ सेल अश्रुग्यास र एक राउण्ड हवाइ फायर समेत गरेका थिए। शनिबार बिहानदेखि स्थानिय केही युवाहरूले नगरको विभिन्न चौकमा टायर बालेर पर्दर्शन र केही ठाउँमा ढुंगामुढा गरेपछि अति आवश्यक पसल बाहेक अन्य पसलहरू बन्द गरेसँगै ठाउँठाउँमा ठुलो संख्यामा सुरक्षाकर्मीहरू खटाइएका छन्।
जिल्ला प्रसाशन कार्यालय सर्लाहीले सर्वदलीय, सर्वपक्षीय भेला बोलाएर जातीय र धार्मिक सद्भाव कायम राख्न अपिल गर्दै सामाजिक सद्भावमा खलल पुर्याउने गतिविधि नियन्त्रण गर्न हरेक उपाय अपनाउने सर्वदलीय/सर्वपक्षीय समन्वय बैठकको निर्णयनिर्णय लिइएको थियो।
प्रदर्शन र ढुंगामुढा नरोकिएपछि स्थानीय प्रशासनले निषेधाज्ञा जारी गरेको प्रहरी उपरीक्षक नरेशराज सुवेदीले जानकारी दिए । उनका अनुसार निषेधाज्ञा शनिबार दिउँसो ५ बजेबाट आइतबार बिहान ८ बजेसम्म रहने छ ।
उनका अनुसार हामीले सुरक्षा संवेदनशीलता हेरेर निषेधाज्ञा लगाएका हौं ।’
कर्फ्यू आदेश जारी गरिएको सीमा क्षेत्र साविक मलंगवा नगरपालिका क्षेत्रको निम्न सीमा भित्र
पूर्वमा- झिम नदी
पश्चिममा – मुसैली नहर
उत्तरमा- अस्थायी प्रहरी चौकी / बाबा पेट्रोल पम्प
दक्षिणमा- नेपाल भारत सीमा क्षेत्र
प्रतिक्रिया