सर्लाहीमा २२ किलो गाँजासहित तीन जना पक्राउ
सारांश
- सर्लाहीको लालबन्दी नगरपालिका–१ नवलपुरबाट प्रहरीले लागूऔषध गाँजासहित तीन जनालाई पक्राउ गरेको छ।
- जिल्ला प्रहरी कार्यालय सर्लाहीका अनुसार नवलपुरस्थित अञ्जली अस्पतालअगाडि डाबरीबाट लालबन्दीतर्फ जाँदै गरेको प्रदेश ०३–००१ ह २४४५ नम्बरको अटोरिक्सालाई चेकजाँच गर्ने क्रममा गाँजा बरामद भएको हो।
- इलाका प्रहरी कार्यालय नवलपुरबाट खटिएको प्रहरी टोलीले अटोरिक्साको चेकजाँच गर्दा लुकाइछिपाइ राखिएको अवस्थामा ५ पोका गरी २२ किलो ८२० ग्राम गाँजा बरामद गरेको प्रहरीले जनाएको छ।
१ भदौ, सर्लाही ।
सर्लाहीको लालबन्दी नगरपालिका–१ नवलपुरबाट प्रहरीले लागूऔषध गाँजासहित तीन जनालाई पक्राउ गरेको छ। जिल्ला प्रहरी कार्यालय सर्लाहीका अनुसार नवलपुरस्थित अञ्जली अस्पतालअगाडि डाबरीबाट लालबन्दीतर्फ जाँदै गरेको प्रदेश ०३–००१ ह २४४५ नम्बरको अटोरिक्सालाई चेकजाँच गर्ने क्रममा गाँजा बरामद भएको हो।
इलाका प्रहरी कार्यालय नवलपुरबाट खटिएको प्रहरी टोलीले अटोरिक्साको चेकजाँच गर्दा लुकाइछिपाइ राखिएको अवस्थामा ५ पोका गरी २२ किलो ८२० ग्राम गाँजा बरामद गरेको प्रहरीले जनाएको छ। पक्राउ पर्नेमा अटो चालक हरिपुरवा नगरपालिका–२ का ३० वर्षीय सुशील साह तथा अटोमा सवार २५ वर्षीया जगतारुण साह र २५ वर्षीया राधिका साह रहेका छन्। प्रहरीका अनुसार उनीहरूलाई नियन्त्रणमा लिएर लागूऔषध मुद्दामा अनुसन्धान अघि बढाइएको छ। जिल्ला अदालत सर्लाहीबाट सात दिनको म्याद थप गरी थप अनुसन्धान भइरहेको जिल्ला प्रहरी कार्यालय सर्लाहीले जनाएको छ।
प्रतिक्रिया