हरिपूर्वा–६ को नवनिर्मित वडा कार्यालय भवन उद्घाटन
सारांश
- सर्लाहीको हरिपूर्वा नगरपालिका–६ मा नवनिर्मित वडा कार्यालय भवन शुक्रबार उद्घाटन गरिएको छ।
- करिब ७० लाख रुपैयाँको लागतमा निर्माण गरिएको उक्त भवनबाट अब वडावासीलाई सेवा प्रदान गरिने भएको छ।
- यसअघि वडा कार्यालय भाडाको भवनबाट सञ्चालन हुँदै आएको थियो।
५ असार, सर्लाही।
सर्लाहीको हरिपूर्वा नगरपालिका–६ मा नवनिर्मित वडा कार्यालय भवन शुक्रबार उद्घाटन गरिएको छ। करिब ७० लाख रुपैयाँको लागतमा निर्माण गरिएको उक्त भवनबाट अब वडावासीलाई सेवा प्रदान गरिने भएको छ। यसअघि वडा कार्यालय भाडाको भवनबाट सञ्चालन हुँदै आएको थियो।
भवन निर्माणका लागि स्थानीय रामदरेश रायले गत वर्ष वैशाखमा १ कट्ठा जग्गा निःशुल्क दान गरेका थिए। जग्गा प्राप्त भएपछि वडा कार्यालय भवन निर्माणको प्रक्रिया अघि बढाइएको थियो। उद्घाटन समारोहलाई सम्बोधन गर्दै नगर प्रमुख बिनोद कुमार साहले आफ्नै भवनबाट सेवा प्रवाह सुरु भएपछि सेवाग्राहीले थप सहज, प्रभावकारी र गुणस्तरीय सेवा प्राप्त गर्ने बताए। उनले भवन निर्माणका लागि जग्गा दान गर्ने रायको योगदानको प्रशंसा गर्दै स्थानीय विकासमा नागरिकको सहकार्य महत्वपूर्ण हुने उल्लेख गरे। कार्यक्रममा जग्गादाता रायको तर्फबाट उनका सुपुत्र कृष्ण कुमार राय लाई सम्मानपत्रसहित सम्मान गरिएको थियो।
प्रतिक्रिया