२२ पुस, सर्लाही । सर्लाहीको बरहथवा घटनालाई लिएर आज साँझ जिल्ला प्रशासन कार्यालय सर्लाहीमा भएको छलफलबाट सहमती जुटेको छ ।

घटना सम्बन्धमा निम्न बुदांहरुमा सहमति भएको छ।

१.)बरहथवा स्थित प्राथमिक स्वास्थ्य केन्द्र मधेश सरकारलाई हस्तान्तरण गरि ५० सैय्याको बनाउने ,
२.)सो अस्पतालको नाम मृतकको नाउँबाट नामाकरण गर्ने ,
३.)मृतकको परिवारलाई रोजगारी प्रदान गर्ने ,
४.) संघीय सरकारले मृतक परिवारलाई १० लाख दिने घोषणा गरेको र प्रदेश सरकारले समेत पहल गर्ने ।
५.) गोलि हान्ने प्रहरिलाइ अविलम्ब कारवाही गर्ने ।इत्यादि
यो सहमती संगै मृतक जयशंकर साहकाे शव आजै घटनास्थलबाट उठने भएको छ ।

मधेश प्रदेशका स्वास्थ्य तथा जनसङ्ख्या मन्त्री वीरेन्द्रप्रसाद सिंह, बरहथवा नगरपालिकाकी प्रमुख कल्पनाकुमारी कटुवाल, प्रमुख जिल्ला अधिकारी कोमलप्रसाद धमला, प्रदेश तथा जिल्लाका सुरक्षा अधिकारी, राजनीतिक दलका प्रमुख, आन्दोलित दलका नेता र पीडित पक्षबीच सहमती भएको र सो सहमतीलाई लिखित गरेर हस्ताक्षर गर्ने काम भइरहेको जिल्ला प्रशासन कार्यालयले जनाएको छ ।