मलेसियामा हुने सुपर वुमेन्स सिरिजका लागि नेपाली टोली घोषणा
सारांश
- मलेसियन सुपर वुमेन्स शृंखला र मलेसियाविरुद्धको ट्वान्टी–ट्वान्टी अन्तर्राष्ट्रिय खेलका लागि नेपाली महिला राष्ट्रिय टोलीको घोषणा भएको छ ।
- नेपाल क्रिकेट संघ क्यानले शनिबार इन्दु वर्माको कप्तानीमा १४ सदस्यीय टोली घोषणा गरेको हो ।
- यही सेप्टेम्बर २४ देखि ३० सम्म मलेसिया क्रिकेट संघको आयोजनामा मलेसियन सुपर वुमेन्स सिरिज हुनेछ ।
४ असोज, काठमाडौँ ।
मलेसियन सुपर वुमेन्स शृंखला र मलेसियाविरुद्धको ट्वान्टी–ट्वान्टी अन्तर्राष्ट्रिय खेलका लागि नेपाली महिला राष्ट्रिय टोलीको घोषणा भएको छ । नेपाल क्रिकेट संघ क्यानले शनिबार इन्दु वर्माको कप्तानीमा १४ सदस्यीय टोली घोषणा गरेको हो । यही सेप्टेम्बर २४ देखि ३० सम्म मलेसिया क्रिकेट संघको आयोजनामा मलेसियन सुपर वुमेन्स सिरिज हुनेछ ।
नेपाली टोलीले त्यहाँ पाँच फरक–फरक टोलीसँग प्रतिस्पर्धा गर्ने क्यानले जनाएको छ । क्यानका अनुसार महिला टोलीले उक्त सिरिजपछि मलेसियाको राष्ट्रिय क्रिकेट टोलीसँग ट्वान्टी–ट्वान्टी खेलहरु पनि खेल्नेछ । उक्त खेलहरु अक्टुबर २ देखि ८ सम्म हुनेछन् । १४ सदस्यीय टोलीको कप्तानी वर्माले गर्नेछिन् भने उपकप्तान पूजा महतो छिन् ।
यस्तो छ नेपाली टिम
इन्दु वर्मा (कप्तान), पूजा महतो (उपकप्तान), रुविना क्षेत्री, सीता रानामगर, राजमती ऐरी, सम्झना खड्का, कविता जोशी, रिया शर्मा, सोमु विष्ट, रचना चौधरी, रुवी पोद्दार, यशोदा विष्ट, सावित्रि धामी र कविता कुँवर
प्रतिक्रिया