ज्वाइन आवर हैण्ड्स संस्थाले मनाए छैठौं वाषिर्कोत्सव

२० कार्तिक, सर्लाही । सर्लाही जिल्लाको सदरमुकाम मलंगवामा रहेको ज्वाइन आवर हैण्ड्स नामक सामाजिक संस्थाले मायाको चिनो प्रदान गर्दै आफ्नो छैठौं बार्षिक उत्सव सम्पन्न गरेका छन् ।

हामी सँग हातमा हात जोडौं´भन्ने सिद्धान्तलाई आत्मसात् गर्दै संस्थाका अध्यक्ष सुजित चौधरीले बोल्दै भने “सामाजिक क्षेत्रमा हामीले लागु औषध नियन्त्रण नि: शुल्क ब्लड ग्रुपिङ कार्यक्रम , गरीब र जेहेन्दार विद्यार्थीलाई शैक्षिक सामग्री वितरण, अपाङ्गता भएका ब्यक्तिहरुको क्षमता अभिवृद्धि कार्यक्रम, मलंगवा नगरपालिका द्वारा संचालित साक्षर अभियान वडा नं ९ र १० , बृहत् सरसफाई, आधारभूत तहका हाजिरी जवाफ प्रतियोगिता, बाल मन्दिरमा न्यानो कपडा वितरण युथ रेडक्रस सर्कल काठमाण्डौ संयोकत्वमा न्यानो लुगा तथा कपडा वितरण र सुन्दर र विकसित मलंगवाको परिकल्पना विषयक गोष्ठी जस्ता कार्य गर्दै आईरहेका छौ”भन्दै बताए।

संस्थापक अध्यक्षका अनुसार प्रत्येक बर्ष बिभिन्न कार्यक्रमहरुको आयोजना गर्दै आइरहेको समेत जानकारी दिएका छन् । संस्थाका अध्यक्ष सुजित चौधरीको अध्यक्षता तथा समाजवादी विद्यार्थी युनियनको केन्द्रीय सदस्य विनोद चौधरीको प्रमुख आतिथ्यतामा सम्पन्न भएको कार्यक्रममा समाजवादी विद्यार्थी युनियन सर्लाहीका उपाध्यक्ष राम प्रवेश साह, संस्थापक राजेश पंडित, कर्यक्रम संयोजक विवेक साह, सदस्य मुन्ना, चौधरी, विक्रम पटेल, अमित साह पत्रकारको उपस्थिति रहेको थियो ।