एमालेले टुंग्यायो राष्ट्रिय सभाका लागि ६ जना उम्मेदवार
सारांश
- नेकपा एमालेले राष्ट्रिय सभाका लागि ६ जना उम्मेदवारको टुंगो लगाएको छ ।
- १८ सदस्यका लागि हुन लागेको निर्वाचनका लागि एमालेले ६ जनाको नाम टुंगो लगाएको हो ।
- एमालेले नेतृ रामकुमार झाँक्रीसहितको नाम टुंगो लगाएको छ ।
२३ पुस, काठमाडौं ।
नेकपा एमालेले राष्ट्रिय सभाका लागि ६ जना उम्मेदवारको टुंगो लगाएको छ । १८ सदस्यका लागि हुन लागेको निर्वाचनका लागि एमालेले ६ जनाको नाम टुंगो लगाएको हो ।
एमालेले नेतृ रामकुमार झाँक्रीसहितको नाम टुंगो लगाएको छ । झाँक्री लुम्बिनीबाट उम्मेदवार बन्ने छिन् । यस्तै, कोशीमा रोशनी मेचे, बागमतीमा डा.प्रेमकुमार दङ्गाल, गण्डकीमा सम्झना देवकोटा, कर्णालीमा मीना रखाल र सुदूरपश्चिममा लीलाकुमारी भण्डारीलाई उम्मेदवार बनाउने निर्णय गरेको हो ।
राष्ट्रिय सभामा काँग्रेस, एमाले, नेपाली कम्युनिस्ट पार्टी र जनता समाजवादी पार्टी नेपालबीच चुनावी तालमेल गर्ने छलफल भएको थियो । तर, अन्तिममा कुरा मिल्न सकेको छैन ।जसअनुसार एमाले-कांग्रेसलाई ७/७, नेकपालाई ३ र जसपा नेपाललाई एक सिट दिने गरी सहमति प्रयास भएको छ । यसै अनुसार एमालेले उम्मेदवार छनोट गरेको हो । मधेशमा भने एमालेले नाम टुंगो लगाएको छैन ।
प्रतिक्रिया