पूर्वराष्ट्रपति भण्डारी १० दिने चीन भ्रमण सकेर स्वदेश फर्कँदै
सारांश
- पूर्वराष्ट्रपति विद्यादेवी भण्डारी नेतृत्वको टोली छिमेकी मुलुक चीनको दश दिने भ्रमण सकेर सोमबार स्वदेश फर्किँदैछ ।
- राजधानी बेइजिङ र गान्सुमा उच्चस्तरीय भेटवार्ता तथा चिनियाँ कम्युनिस्ट पार्टीद्वारा आयोजित छिमेकी देशका राजनीतिक दलहरूसँगको संवाद र सभ्यतासँग सम्बन्धित कार्यक्रमलाई सम्बोधन गरेर भण्डारी नेतृत्वको टोली सिचुआन प्रान्तको छेन्दु हुँदै स्वदेश फर्किन लागेको हो ।
- भण्डारीसहितको टोली पौने ११ बजे त्रिभुवन अन्तर्राष्ट्रिय विमानस्थलमा आइपुग्ने बताइएको छ ।
१९ जेठ, काठमाडौं ।
पूर्वराष्ट्रपति विद्यादेवी भण्डारी नेतृत्वको टोली छिमेकी मुलुक चीनको दश दिने भ्रमण सकेर सोमबार स्वदेश फर्किँदैछ । राजधानी बेइजिङ र गान्सुमा उच्चस्तरीय भेटवार्ता तथा चिनियाँ कम्युनिस्ट पार्टीद्वारा आयोजित छिमेकी देशका राजनीतिक दलहरूसँगको संवाद र सभ्यतासँग सम्बन्धित कार्यक्रमलाई सम्बोधन गरेर भण्डारी नेतृत्वको टोली सिचुआन प्रान्तको छेन्दु हुँदै स्वदेश फर्किन लागेको हो ।
भण्डारीसहितको टोली पौने ११ बजे त्रिभुवन अन्तर्राष्ट्रिय विमानस्थलमा आइपुग्ने बताइएको छ । विमानस्थलमा पूर्व राष्ट्रपति भण्डारीले चीन भ्रमणबारे सञ्चारकर्मीसँग कुराकानी गर्नेछिन् । चीन भ्रमणका क्रममा भण्डारीले चिनियाँ उपराष्ट्रपति, चिनियाँ कम्युनिस्ट पार्टीको विदेश विभागका प्रमुख (मन्त्रीसरह ओहोदाका) लिउ जियान्चाओ लगायतसँग भेटवार्ता गरेकी थिइन् ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया