स्रोत नखुलेको भारतीय ५ लाख रुपैयाँसहित एक पक्राउ
१० जेठ, कपिलवस्तु ।
सीमावर्ती नेपाली बजार कृष्णनगरबाट स्रोत नखुलेको र नेपालमा प्रतिबन्धित ५ सय दरका भारतीय पाँच लाख रुपैयाँ बरामद भएको छ । शुक्रबार साँझ साढे ५ बजेतिर कृष्णनगर नगरपालिका-३, ट्रान्समिटरमा भारतबाट नेपालतर्फ पैदल आउँदै गरेका ओखलढुंगा चम्पादेवी गाउँपालिका-१० बस्ने ४३ वर्षका रामकुमार तोलाङी पक्राउ परेका हुन् ।
उनले झोलाभित्र प्लास्टिकमा लुकाएर राखेको पाँच लाख भारतीय रुपैयाँ बरामद गरिएको जिल्ला प्रहरी प्रवक्ता डीएसपी मोहनमणि अधिकारीले बताए । नोटसहित तोलाङीलाई नियन्त्रणमा लिई आवश्यक कारबाहीका लागि राजस्व अनुसन्धान कार्यालय बुटबल पठाइएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
Post Comment