सबैभन्दा बढी बेरुजु अर्थ मन्त्रालयको, कसको कति ?
सारांश
- आर्थिक वर्ष २०८१/८२ मा संघीय सरकारका कार्यालयहरूमध्ये सबैभन्दा बढी बेरुजु अर्थ मन्त्रालयमा देखिएको छ।
- महालेखा परीक्षकको कार्यालयले बुधबार सार्वजनिक गरेको ६२औँ वार्षिक प्रतिवेदन अनुसार अर्थ मन्त्रालयको बेरुजु सबै मन्त्रालयमध्ये सबैभन्दा उच्च ७०.
- ६१ प्रतिशत पुगेको छ ।
३१ वैशाख, काठमाडौं ।
आर्थिक वर्ष २०८१/८२ मा संघीय सरकारका कार्यालयहरूमध्ये सबैभन्दा बढी बेरुजु अर्थ मन्त्रालयमा देखिएको छ। महालेखा परीक्षकको कार्यालयले बुधबार सार्वजनिक गरेको ६२औँ वार्षिक प्रतिवेदन अनुसार अर्थ मन्त्रालयको बेरुजु सबै मन्त्रालयमध्ये सबैभन्दा उच्च ७०.६१ प्रतिशत पुगेको छ । मन्त्रालयमा जम्मा ३३ अर्ब ७१ करोड १७ लाख रुपैयाँ बेरुजु देखिएको हो ।
बेरुजुको परिमाणका आधारमा दोस्रो स्थानमा भौतिक पूर्वाधार तथा यातायात मन्त्रालय रहेको छ, जसको बेरुजु १३.४८ प्रतिशत रहेको छ । सो मन्त्रालयमा ६ अर्ब ४३ करोड ६४ लाख रुपैयाँ बेरुजु देखिएको प्रतिवेदनमा उल्लेख गरिएको छ । अन्य मन्त्रालयहरूमध्ये रक्षा मन्त्रालयमा ३.५० प्रतिशत, भूमि व्यवस्था, सहकारी तथा गरिबी निवारण मन्त्रालयमा ३.१६ प्रतिशत र परराष्ट्र मन्त्रालयमा २.२१ प्रतिशत बेरुजु रहेको उल्लेख गरिएको छ ।
प्रतिक्रिया