९ वैशाख,  काठमाडौं–

वैशाख १० गते बुधवारदेखि काठमाडौंको माइतीघर–नयाँ वानेश्वर सडकखण्डमा केन्द्रित शिक्षक आन्दोलन बिहान ११ बजेदेखि २ बजेसम्म हुने भएको छ । नेपाल शिक्षक महासंघका अध्यक्ष लक्ष्मी किशोर सुवेदीले आन्दोलन बिहान ११ बजेदेखि २ बजेसम्म तय गरिएको जानकारी दिएका छन् ।

‘२०८२ वैशाख १० गतेदेखि आन्दोलनको समय बिहान ११ः०० बजेदेखि दिउँसो २ः०० बजेसम्म हुने कुरा जानकारी गराइन्छ’, उनले मंगलवार फेसबुकमार्फत जारी गरेको सूचनामा उल्लेख छ । पछिल्लो केहि दिनयता शिक्षक आन्दोलन बिहान ९ बजेदेखि १२ बजेसम्म हुने गरेको थियो ।महासंघले विद्यालय शिक्षा ऐन माग गर्दै २१ दिनदेखि राजधानीमा आन्दोलन गर्दै आएको छ । महासंघले माग पूरा नभएसम्म आन्दोलन जारी रहने बताउँदै आएको छ ।