प्रतिनिधिसभा बैठक चैत २७ गतेसम्मका लागि स्थगित
सारांश
- शुक्रबार बिहान ११ बजे बस्ने भनिएको बैठक सूचना टाँस गरेर सवा १ बजेसम्मका लागि सारिएको थियो ।
- दलहरूबीच सहमति जुट्न नसकेपछि संसद् बैठक बुधबारबाट सुचारु हुन सकेको छैन ।
- बिहीबार पनि संसद् चल्न नसकेपछि सभामुख देवराज घिमिरेले शुक्रबार बिहान ११ बजे गरी बैठकको समय तोकेका थिए ।
१५ चैत, काठमाडौं–
प्रतिनिधिसभाको बैठक चैत १७ गतेसम्मका लागि स्थगित भएको छ । शुक्रबार बिहान ११ बजे बस्ने भनिएको बैठक सूचना टाँस गरेर सवा १ बजेसम्मका लागि सारिएको थियो । दलहरूबीच सहमति जुट्न नसकेपछि संसद् बैठक बुधबारबाट सुचारु हुन सकेको छैन । बिहीबार पनि संसद् चल्न नसकेपछि सभामुख देवराज घिमिरेले शुक्रबार बिहान ११ बजे गरी बैठकको समय तोकेका थिए ।
प्रतिपक्षमा रहेका दलहरूले बुधबारको बैठकको सुरुवातमै नेपाल विद्युत् प्राधिकरणका प्रबन्ध निर्देशक कुलमान घिसिङलाई हटाउनुको कारणबारे प्रधानमन्त्रीले सदनलाई जानकारी गराउनुपर्ने भन्दै अवरोध गरेका थिए । उनीहरूले प्रधानमन्त्री केपी शर्मा ओलीले जवाफ नदिँदासम्म बैठक चल्न नदिने अडान राखिरहेका छन् । तर, सत्ता पक्ष उनीहरूको माग सम्बोधन गर्न तयार देखिएको छैन ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया