४ चैत, काठमाडौं ।

मन्त्रिपरिषद् बैठक आह्वान भएको छ । सोमबार अपरान्ह ४ बजे बस्नेगरी बैठक आह्वान भएको एक मन्त्रीले जानकारी दिए । मन्त्रिपरिषद्को बैठक सोमबार अपराह्न प्रधानमन्त्रीनिवास बालुवाटारमा बस्ने भएको छ । यो मन्त्रिपरिषद् बैठकले नेपाल प्रहरीमा रिक्त प्रहरी महानिरीक्षक (आईजीपी) नियुक्त गर्ने सम्भावना छ ।

वसन्त कुँवर ३० वर्षे सेवाअवधिका कारण सोमबारै सेवानिवृत्त भएका छन् । उनीपछि करिब ७५ हजार फौजको कमान्ड सम्हाल्ने आईजीपी बन्न हालका तीन जना एआईजीहरू प्रतिस्पर्धामा छन् ।

सीआईबी प्रमुख तथा एआईजी दीपक थापा, काठमाडौं उपत्यका प्रहरी कार्यालय रानिपोखरीका प्रमुख तथा एआईजी टेकबहादुर तामाङ र राष्ट्रिय प्रहरी प्रशिक्षण प्रतिष्ठानका प्रमुख तथा एआईजी सुदीप गिरी आईजीपीको प्रतिस्पर्धामा छन् ।