संसद्को साँचो पनि सरकारले नै बोक्दो रहेछ : सिके राउत
सारांश
- जनमत पार्टीका अध्यक्ष डा.
- सिके राउतले संसद्को साँचो (चाबी) पनि सरकारले बोक्ने गरेको आरोप लगाएका छन् ।
- प्रतिनिधिसभाको अधिवेशन बोलाउन ढिला गरिएको विषयप्रति उनले यस्तो आक्रोश पोखेका हुन् ।
काठमाडौं, १८ माघ । जनमत पार्टीका अध्यक्ष डा. सिके राउतले संसद्को साँचो (चाबी) पनि सरकारले बोक्ने गरेको आरोप लगाएका छन् । प्रतिनिधिसभाको अधिवेशन बोलाउन ढिला गरिएको विषयप्रति उनले यस्तो आक्रोश पोखेका हुन् ।
आजबाट सुरु भएको प्रतिनिधिसभाको बैठकमा बोल्दै उनले भने,‘सरकारले अधिवेशन बोलाउने संवैधानिक व्यवस्था छ, यो व्यवस्था धेरै मुलुकमा छ, तर अमेरिकामा संसद्ले आँफै सबै व्यवस्थापन गर्ने क्षमता राख्दछ । सरकारले नै संसद्को साँचो राखिदिएपछि, सरकारले चलाएपछि चल्ने, नचलाउँदा नचल्ने, शीर्ष नेतालाई हाछ्युँ आउँदापनि बैठक चलाउन नहुने बाध्यता छ, यदि यस्तै अवस्था हो भने यसबारेमा पूनविर्चार गर्नुपर्ने हुन्छ ।
’ उनले संसद् स्वतन्त्र हुनुपर्ने क्षमता राख्नुपर्नेमा जोड दिए । उनले अहिलेका अधिकांश मन्त्रीहरुलाई आफूले नचिन्ने र परिचयसमेत हुन नसकेको गुनासो पोखे । उनले सरकार कहाँ छ ? भन्दै प्रश्न गरे । आफूले भेट्न खोज्दा मन्त्रीहरुसँग भेट हुन नसकेको गुनासो पोखे । सर्वसाधारण जनताले सिंहदरबारमा कसरी मन्त्रीहरुसँग भेट गर्न सक्लान ? भन्दै उनले प्रतिप्रश्न गरे ।
प्रतिक्रिया