१४ माघ, काठमाडौं । अछामको दुई किशोरी मृत्यु प्रकरणमा प्रहरीले दुई युवालाई सोधपुछका लागि भन्दै पक्राउ गरेको छ । उनीहरूलाई आइतबार साँझ ढकारी गाउँपालिकाबाट पक्राउ गरिएको अछाम प्रहरीले जनाएको छ । पक्राउ परेकाहरूको परिचय खुलाइएको छैन ।

दुवैजना २० वर्षभन्दा कम उमेरका युवा भएको बताइएको छ । ढकारी गाउँपालिका ८ की १५ वर्षीया सरस्वती खड्का र १४ वर्षकी इशरा खड्काको सोही गाउँपालिकाकै वडा नम्बर १ स्थित सुनघर सामुदायिक बनमा शनिबार साँझ शव फेला परेको थियो । शुक्रबार बिहान घरबाट बाख्रा चराउन गएका उनीहरू त्यही दिनबाट सम्पर्कविहीन भएका थिए । मृतक दुवैजना एउटै परिवारको हुन् । मृतकमध्ये सरस्वती फुपू र इशरा भदै हुन् । परिवारका सदस्यहरूले दुवै जनाको हत्या भएको भन्दै छानबिनको माग गरिरहेका छन् । सोही क्रममा दुई युवा पक्राउ परेका हुन् ।