रविसँग आज पनि बयान लिइँदै
सारांश
- राष्ट्रिय स्वतन्त्र पार्टी (रास्वपा)का सभापति रवि लामिछानेसँग आज पनि सरकारी वकिलको कार्यालय काठमाडौंमा बयान लिइँदैछ ।
- गत शुक्रबारदेखि काठमाडौं प्रहरीको हिरासतमा रहेका लामिछानेसँग आइतबार पनि बयान नसकिएपछि आज लिन लागिएको हो ।
- उनलाई बयानका लागि बिहीबार साँझ पोखराबाट काठमाडौं ल्याइएको थियो ।
१७ मंसिर, काठमाडौं।
राष्ट्रिय स्वतन्त्र पार्टी (रास्वपा)का सभापति रवि लामिछानेसँग आज पनि सरकारी वकिलको कार्यालय काठमाडौंमा बयान लिइँदैछ । गत शुक्रबारदेखि काठमाडौं प्रहरीको हिरासतमा रहेका लामिछानेसँग आइतबार पनि बयान नसकिएपछि आज लिन लागिएको हो ।
उनलाई बयानका लागि बिहीबार साँझ पोखराबाट काठमाडौं ल्याइएको थियो । आज उनको बयान सकिएमा पोखरा फर्काउने प्रहरीको तयारी छ । लामिछानमाथि चितवनमा पनि उजुरी परेकाले पोखराबाट उनलाई बयानका लागि चितवन लगिने छ ।
सहकारी ठगीको मुद्दामा कास्की प्रहरी हिरासतमा रहेका उनलाई कालीमाटीस्थित स्वर्णलक्ष्मी सहकारी ठगीको आरोपमा काठमाडौं ल्याएर बयान लिइएको हो । गत कात्तिक २ गते काठमाडौंबाट पक्राउ परेका रविमाथि सहकारी ठगी, संगठित अपराध र सम्पत्ति शुद्धीकरणसम्बन्धी मुद्दा रहेका छन् ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया