नुवाकोटमा माइक्रोबस दुर्घटना हुँदा ९ यात्रु घाइते
सारांश
- ११ जेठ, नुवाकोट ।
- काठमाडौंबाट नुवाकोट प्रवेशका लागि छोटो दूरीको बालाजु–टोखा–छहरे–त्रिशूली सडकखण्डमा आइतवार एउटा यात्रुवाहक माइक्रोबस दुर्घटनाग्रस्त भएको छ।
- त्रिशूलीबाट काठमाडौं जाँदै गरेको बागमती प्रदेश ०३००१ज०८५४ नम्बरको विद्युतीय माइक्रोबस शिवपुरी गाउँपालिका-७ गुरुङगाँउमा दुर्घटना हुँदा पाँच महिलासहित ९ जना घाइते भएको जिल्ला प्रहरी कार्यालय नुवाकोटले जनाएको छ।
११ जेठ, नुवाकोट ।
काठमाडौंबाट नुवाकोट प्रवेशका लागि छोटो दूरीको बालाजु–टोखा–छहरे–त्रिशूली सडकखण्डमा आइतवार एउटा यात्रुवाहक माइक्रोबस दुर्घटनाग्रस्त भएको छ। त्रिशूलीबाट काठमाडौं जाँदै गरेको बागमती प्रदेश ०३००१ज०८५४ नम्बरको विद्युतीय माइक्रोबस शिवपुरी गाउँपालिका-७ गुरुङगाँउमा दुर्घटना हुँदा पाँच महिलासहित ९ जना घाइते भएको जिल्ला प्रहरी कार्यालय नुवाकोटले जनाएको छ।उक्त माइक्रोबस सडकबाट १० मिटर तल खसेर दुर्घटनामा परेको प्रहरी नायब उपरीक्षक विक्रम लामाले जानकारी दिए।
घाइतेहरूको सुरक्षाकर्मी तथा स्थानीयवासीले उद्धार गरि उपचारका लागि ग्राण्डी अन्तर्राष्ट्रिय अस्पताल काठमाडौं पठाइएको डीएसपी लामाले बताए। प्रहरीले गाडी चालक ३६ वर्षीय रवि बस्नेतलाई नियन्त्रणमा लिएको छ। दुर्घटनामा परी नुवाकोटको लिखु गाउँपालिका-४ चौघडाकी ३९ वर्षीया मैना राई, काठमाडौंको महाराजगंजकी ४६ वर्षीया लक्ष्मी खड्गी, काठमाडौको गोंगबुकी ३५ वर्षीया सिर्जना लामा, विदुर नपा ५ माझिटारकी १८ वर्षीया बिपना अर्याल, शिवपुरी तलाखुका २८ वर्षीय रसमान लामा, सोही स्थानका १८ वर्षीय विजय लामा, काठमाडौंको कलंकी बस्ने ३९ वर्षीया सरस्वती राई, सोही स्थानका ३८ वर्षीय श्याम दगौरा र रसुवाको उत्तरगया गापा ५ का २५ वर्षीय महेन्द्र श्रेष्ठ घाइते भएको प्रहरीले जनाएको छ। प्रहरीले घटनाका सम्बन्धमा थप अनुसन्धान गरिरहेको छ।
प्रतिक्रिया