मधेस सहिद प्रतिष्ठानका सदस्य यादव मृत फेला

प्रेस संवाददाता

मंगलबार, फाल्गुन २०, २०८१

८६ पटक हेरिएको

मधेस सहिद प्रतिष्ठानका सदस्य यादव मृत फेला

प्रेस संवाददाता

मधेस सहिद प्रतिष्ठानका एक सदस्य मृत फेला परेका छन् ।
मधेस भवनभित्रको आफ्नो कोठामा मधेस सहिद प्रतिष्ठानका सदस्य रामनरेश यादव मृत फेला परेको धनुषा प्रहरीले जनाएको छ ।
जनकपुर प्रहरीका अनुसार सदस्य यादव आज बिहान आफ्नै ओछ्यानमा मृत फेला परेका हुन् ।

२० फागुन, जनकपुर ।

मधेस सहिद प्रतिष्ठानका एक सदस्य मृत फेला परेका छन् । मधेस भवनभित्रको आफ्नो कोठामा मधेस सहिद प्रतिष्ठानका सदस्य रामनरेश यादव मृत फेला परेको धनुषा प्रहरीले जनाएको छ । जनकपुर प्रहरीका अनुसार सदस्य यादव आज बिहान आफ्नै ओछ्यानमा मृत फेला परेका हुन् । आफ्नै बेडमा घोप्टो परेको अवस्थामा उनी मृत फेला परेको धनुषा प्रहरीका प्रवक्ता बरुणबहादुर सिंहले बताए ।

घटना बिहान ७ बजेको भएको धनुषा प्रहरीले जानकारी दिएको छ । प्रवक्ता सिंहका अनुसार मृतक यादवको कोठामा जाँदा उनले बान्ता गरेको समेत पाइएको छ । अहिलेसम्म मृत्युको कारण भने नखुलेको धनुषा प्रहरीले जानकारी दिएको छ । प्रहरीले गरेको प्रारम्भिक सोधपुछमा उनले हिजो आफ्नो घर परिवारका सदस्यसँग कुराकानी गरेका थिए ।

प्रहरीका अनुसार कुराकानी गर्दा यादवले आफूलाई सन्चो नभएको जानकारी गराएका थिए । उनले सहकर्मीहरूलाई अस्वस्थ रहेको समेत बताएका थिए । मृतक यादवको शव बिहानै पोस्टमार्टमका लागि जनकपुर प्रादेशिक अस्पतालमा लगिएको प्रहरीले जनाएको छ । पोस्टमार्टम रिपोर्ट आइसकेपछि मृत्युको कारणबारे यथेष्ट जानकारी आउने प्रहरीको भनाइ छ । घटनाबारे थप अनुसन्धान भइरहेको प्रवक्ता सिंह बताए ।