कोशी प्रदेशसभाका सचिव पराजुलीलाई ६ वर्ष कैद सजाय
सारांश
- कोशी प्रदेश सभा सचिवालयका सचिव गोपाल प्रसाद पराजुलीलाई भ्रष्टाचार मुद्दामा ६ बर्ष कैदको फैसला भएको छ ।
- बुधबार सर्वोच्च अदालत न्यायाधीशद्वय कुमार रेग्मी र अब्दुल अजिज मुसलमानको इजलासले विशेष अदालतको सफाइ फैसला उल्ट्याउँदै पशुपति क्षेत्रमा बालुवाखानी सञ्चालन प्रकरणमा उनलाई ६ बर्ष कैद तोकेको हो ।
- उनीसहित सर्वोच्चले ९ जनालाई दोषी ठहर गरेको छ ।
१ फागुन, विराटनगर । कोशी प्रदेश सभा सचिवालयका सचिव गोपाल प्रसाद पराजुलीलाई भ्रष्टाचार मुद्दामा ६ बर्ष कैदको फैसला भएको छ । बुधबार सर्वोच्च अदालत न्यायाधीशद्वय कुमार रेग्मी र अब्दुल अजिज मुसलमानको इजलासले विशेष अदालतको सफाइ फैसला उल्ट्याउँदै पशुपति क्षेत्रमा बालुवाखानी सञ्चालन प्रकरणमा उनलाई ६ बर्ष कैद तोकेको हो ।
उनीसहित सर्वोच्चले ९ जनालाई दोषी ठहर गरेको छ । पराजुलीलाई ६ वर्ष कैद र १ करोड २२ लाख रुपैयाँ जरिवाना तोकिएको छ । उनले काठमाडौं जिल्ला विकास समितिको स्थानीय विकास अधिकारी रहँदा ६ करोड २३ लाख ७० हजार रुपैयाँ बराबरको भ्रष्टाचार गरेको अदालतले ठहर गरेको छ । अदालतको फैसलासँगै हालै दोस्रो कार्यकालका लागि नियुक्त भएका पराजुली स्वतः पदमुक्त भएका छन् ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया