प्रतिनिधिसभाको बैठक बस्दै, यस्तो छ कार्यसूची
सारांश
- प्रतिनिधिसभाको बैठक आज पनि बस्दै छ।
- बैठक आज बिहान ११ बजेका लागि बोलाइएको संसद् सचिवालयले जनाएको छ।
- आजको बैठकमा उर्जामन्त्री शक्ति बस्नेतले अन्तर्राष्ट्रिय सौर्य गठबन्धनको स्थापनासँग सम्बन्धित सम्झौताको प्रावधानमाथि छलफल गरियोस् भन्ने प्रस्ताव पेस गर्ने कार्यसूची रहेको छ।
काठमाडौं ।
प्रतिनिधिसभाको बैठक आज पनि बस्दै छ। बैठक आज बिहान ११ बजेका लागि बोलाइएको संसद् सचिवालयले जनाएको छ।
आजको बैठकमा उर्जामन्त्री शक्ति बस्नेतले अन्तर्राष्ट्रिय सौर्य गठबन्धनको स्थापनासँग सम्बन्धित सम्झौताको प्रावधानमाथि छलफल गरियोस् भन्ने प्रस्ताव पेस गर्ने कार्यसूची रहेको छ। यस प्रस्तावलाई आज अनुमोदनको लागि पेस गरिने कार्यसूची समेत रहेको छ।
त्यस्तै आजको बैठकमा अर्थमन्त्री वर्षमान पुनले बैङ्क तथा वित्तीय संस्था सम्बन्धी पहिलो संशोधन विधेयक, २०८० प्रस्ताव पेस गर्ने छन् भने विनियोजन विधेयक, २०८१ माथि बिचार गरियोस् भन्ने प्रस्ताव पेस गर्ने छन्।
त्यस्तै सञ्चार तथा सूचना प्रविधि मन्त्री रेखा शर्माले राष्ट्रिय सभामा उत्पत्ति भएको सुरक्षण मुद्रण सम्बन्धी विधेयक २०७८ माथि छलफलका लागि प्रस्ताव पेस गर्दै छिन भने उनले यस प्रस्तावलाई पारित गर्ने प्रस्ताव पेस गर्ने कार्यसूची रहेको छ।
प्रतिक्रिया