ब्रह्मपुरी गाउँपालिकाका अध्यक्ष राम पदार्थ साह तेलीको नि*धन
सारांश
- सर्लाहीको ब्रह्मपुरी गाउँपालिकाका अध्यक्ष राम पदार्थ साह तेलीको ८५ वर्षको उमेरमा निधन भएको छ।
- सामान्य रुघाखोकी र ज्वरोबाट पीडित साहको काठमाडौंमा निधन भएको हो।
- परिवारका अनुसार साह एक सातादेखि काठमाडौंस्थित एक अस्पतालमा उपचाररत थिए।
४ कार्तिक, सर्लाही।
सर्लाहीको ब्रह्मपुरी गाउँपालिकाका अध्यक्ष राम पदार्थ साह तेलीको ८५ वर्षको उमेरमा निधन भएको छ। सामान्य रुघाखोकी र ज्वरोबाट पीडित साहको काठमाडौंमा निधन भएको हो।
परिवारका अनुसार साह एक सातादेखि काठमाडौंस्थित एक अस्पतालमा उपचाररत थिए। स्वास्थ्यमा सुधार आएपछि अस्पतालले उनलाई मंगलबार डिस्चार्ज गरेको थियो। उपचारपछि निको भएर घर फर्किने तयारीमा रहेका साहको बुधबार बिहान कोठामै निधन भएको उनका छोरा दिलीप साहले जानकारी दिए ।
साहको पार्थिव शरीरलाई सर्लाहीस्थित ब्रह्मपुरी गाउँपालिका ल्याउने तयारी भइरहेको छ। उनको निधनको खबरले परिवार, आफन्त तथा स्थानीयवासी शोकमा परेका छन्।
साह २०७९ सालको स्थानीय तह निर्वाचनमा नेपाली कांग्रेसबाट ब्रह्मपुरी गाउँपालिकाको अध्यक्ष पदमा उम्मेदवार बनेका थिए। उनले ४ हजार ६७८ मत प्राप्त गर्दै अध्यक्षमा निर्वाचित भएका थिए।
सम्बन्धित खबर
प्रतिक्रिया