लालबन्दी-सलेमपुर १३२ केभी प्रसारणलाइन सञ्चालनको अन्तिम चरणमा

प्रेस संवाददाता प्रेस संवाददाता
|
बुधबार, भाद्र ३, २०८३
|
|
४१७ पटक हेरिएको
Shares
लालबन्दी-सलेमपुर १३२ केभी प्रसारणलाइन सञ्चालनको अन्तिम चरणमा

सारांश

  • सर्लाहीको दक्षिणी भेगमा विद्युत् आपूर्तिलाई थप भरपर्दो, गुणस्तरीय र स्थिर बनाउने उद्देश्यले निर्माण गरिएको लालबन्दी–सलेमपुर १३२ केभी प्रसारणलाइन सञ्चालनको अन्तिम चरणमा पुगेको छ ।
  • करिब १ अर्ब रुपैयाँ लागतमा निर्माण गरिएको उक्त प्रसारणलाइन गत ३० साउनमा चार्ज गरिएको नेपाल विद्युत् प्राधिकरणले जनाएको छ ।
  • प्रसारण लाइनमार्फत लालबन्दी नगरपालिका–१ नवलपुरस्थित ग्रिड सबस्टेसनबाट चक्रघट्टा गाउँपालिका–७ चैनपुरामा निर्माणाधीन ग्रिड सबस्टेसनसम्म विद्युत् प्रवाह सुरु गरिएको छ ।

 

३ भदौ, सर्लाही ।

सर्लाहीको दक्षिणी भेगमा विद्युत् आपूर्तिलाई थप भरपर्दो, गुणस्तरीय र स्थिर बनाउने उद्देश्यले निर्माण गरिएको लालबन्दी–सलेमपुर १३२ केभी प्रसारणलाइन सञ्चालनको अन्तिम चरणमा पुगेको छ । करिब १ अर्ब रुपैयाँ लागतमा निर्माण गरिएको उक्त प्रसारणलाइन गत ३० साउनमा चार्ज गरिएको नेपाल विद्युत् प्राधिकरणले जनाएको छ । प्रसारण लाइनमार्फत लालबन्दी नगरपालिका–१ नवलपुरस्थित ग्रिड सबस्टेसनबाट चक्रघट्टा गाउँपालिका–७ चैनपुरामा निर्माणाधीन ग्रिड सबस्टेसनसम्म विद्युत् प्रवाह सुरु गरिएको छ । लाइन सञ्चालनमा आएसँगै हरिपुर, हरिपुर्वा, मलंगवा, गोडैता तथा बरहथवा क्षेत्रको विद्युत् आपूर्ति थप व्यवस्थित र भरपर्दो हुने अपेक्षा गरिएको छ ।

‘१३२ केभीको लाइन आइसकेको छ । अब यहाँबाट पाँचवटा ३३ केभी फिडर निकाल्ने योजना छ,’ आयोजनाका इन्जिनियर सुशान्तकुमार ठाकुरले भने, ‘हरिपुर, हरिपुर्वा, मलंगवा, गरहैया–डुमरिया र बरहथवा फिडरमार्फत विद्युत् आपूर्ति गर्ने तयारी भइरहेको छ । तीमध्ये मलंगवा र हरिपुर फिडरमा लाइन आपूर्ति गर्ने काम अन्तिम चरणमा पुगेको छ । भदौभित्रै ती क्षेत्रमा विद्युत् प्रवाह सुरु गर्ने लक्ष्य छ ।’ आयोजनाको सर्वेक्षण कार्य २०७६ सालमा सुरु भएको थियो । निर्माणका लागि २०७९ चैत २७ गते ठेक्का सम्झौता गरिएको थियो भने २०८० वैशाख २६ गतेदेखि निर्माण कार्य सुरु भएको थियो । २०८३ असोज मसान्तसम्म आयोजना सम्पन्न गर्ने लक्ष्यसहित ठेक्का सम्झौता गरिएको हो । आयोजनाको निर्माणको जिम्मा सिग्मा कन प्रालि–एमएसपीएल जेभीले पाएको छ ।

प्रसारणलाइन निर्माणका क्रममा टावर रहने जग्गा तथा लाइनमुनिको नौ–नौ मिटर दायाँ–बायाँ क्षेत्रका प्रभावित जग्गाधनीलाई ११ करोड ४० लाख रुपैयाँ मुआब्जा वितरण गरिएको छ । यसमध्ये टावरका लागि अधिग्रहण गरिएको जग्गाबापत १० करोड रुपैयाँ र प्रसारण लाइन प्रभावित क्षेत्रका जग्गाधनीलाई १ करोड ४० लाख रुपैयाँ उपलब्ध गराइएको आयोजनाले जनाएको छ । हाल दक्षिणी भेगका अधिकांश क्षेत्रमा नवलपुरस्थित ग्रिड सबस्टेसनबाट लामो दूरीको प्रसारण लाइनमार्फत विद्युत् आपूर्ति हुदै आएकाले बारम्बार प्राविधिक समस्या देखिने गरेको प्राविधिकहरू बताउँछन् । केही वर्षअघि नवलपुरमा ग्रिड सबस्टेसन निर्माण भई विद्युत् प्रवाह सुरु भएपछि जिल्लाको उत्तरी भेगमा भोल्टेज घट्ने तथा अनियमित विद्युत् कटौती हुने समस्या धेरै हदसम्म समाधान भएको थियो । यससँगै जिल्लामा १३२ केभी क्षमताका दुई ठूला ग्रिड सबस्टेसन पुगेका छन् । यसअघि लालबन्दी नगरपालिका–१ नवलपुरमा करिब ४६ करोड रुपैयाँको लगानीमा १३२ केभी क्षमताको ग्रिड सबस्टेसन निर्माण गरी सञ्चालनमा ल्याइएको थियो । नवलपुर सबस्टेसनले जिल्लाको उत्तरी तथा मध्य भेगमा विद्युत् आपूर्ति गर्दै आएको छ भने सलेमपुर सबस्टेसन पूर्ण रूपमा सञ्चालनमा आएपछि दक्षिणी भेगको विद्युत् वितरण प्रणाली थप सुदृढ हुने अपेक्षा गरिएको छ ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
प्रेस संवाददाता
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?

यो पनि पढौँ

बैंकमा पैसा लिन जान्छु भनेर हिँडेका पुरूष खोलामा मृत फेला
बैंकमा पैसा लिन जान्छु भनेर हिँडेका पुरूष खोलामा मृत फेला
पत्रकार अर्जुन आचार्यमाथि भएको आक्रमणप्रति प्रेस सेन्टर मोरङको भर्त्सना, दोषीलाई कारबाहीको माग
पत्रकार अर्जुन आचार्यमाथि भएको आक्रमणप्रति प्रेस सेन्टर मोरङको भर्त्सना, दोषीलाई कारबाहीको माग
प्रतिनिधिसभा विघटन स्वेच्छारी र असंवैधानिक भयो: नेपाल बार एसोसिएसन
प्रतिनिधिसभा विघटन स्वेच्छारी र असंवैधानिक भयो: नेपाल बार एसोसिएसन
जनयात्रामा शान्तिपूर्ण रूपमा सहभागी हुन रास्वपाको अपिल
जनयात्रामा शान्तिपूर्ण रूपमा सहभागी हुन रास्वपाको अपिल
काभ्रेमा बस दुर्घटना: १७ जना घाइते, चालक र सह-चालकको अवस्था गम्भीर
काभ्रेमा बस दुर्घटना: १७ जना घाइते, चालक र सह-चालकको अवस्था गम्भीर
हालसम्म १४ लाख ३५ हजार बढीलाई एचपीभी खोप प्रदान
हालसम्म १४ लाख ३५ हजार बढीलाई एचपीभी खोप प्रदान
काठमाडौँ जाँदै गरेको कन्टेनर मकवानपुरमा पल्टिँदा पूर्वपश्चिम राजमार्ग अवरुद्ध
काठमाडौँ जाँदै गरेको कन्टेनर मकवानपुरमा पल्टिँदा पूर्वपश्चिम राजमार्ग अवरुद्ध
जेनजी आन्दोलनमा पश्चिमाहरुको खेल छ, अब हामी निर्णायक आन्दोलन गर्छौं: दुर्गा प्रसाईं
जेनजी आन्दोलनमा पश्चिमाहरुको खेल छ, अब हामी निर्णायक आन्दोलन गर्छौं: दुर्गा प्रसाईं
एसईईको नतिजा यसै वर्ष सुधार हुन्छः प्रधानमन्त्री ओली
एसईईको नतिजा यसै वर्ष सुधार हुन्छः प्रधानमन्त्री ओली
प्यानलगत उम्मेदवारहरूको नामावली फेरबदल गरी प्रचार गरेको आरोपमा एक जना पक्राउ
प्यानलगत उम्मेदवारहरूको नामावली फेरबदल गरी प्रचार गरेको आरोपमा एक जना पक्राउ