चीन जान लागेकी स्विस महिला त्रिभुवन विमानस्थलबाट पक्राउ, ठूलो परिमाणमा विदेशी मुद्रा बरामद
सारांश
- अन्तर्राष्ट्रिय उडान तर्फको प्रस्थान होल्ड ब्यागेज चेकिङ एरियाबाट बाह्य मुलुकतर्फ जान लागेको अवस्थामा स्विस नागरिक कुन्चोक खण्ड्रोलाई पक्राउ गरिएको प्रहरीले जनाएको छ।
- उनको साथबाट अमेरिकी डलर १० हजार ५ सय, युरो २६ हजार ७ सय, चाइनिज युआन ७ हजार ४ सय र स्विडेन मुद्रा ४३ हजारसहित पक्राउ गरिएको प्रहरीले जनाएको छ।
- त्रिभुवन अन्तर्राष्ट्रिय विमानस्थल सुरक्षा कार्यालयबाट खटिएको प्रहरीले सिचुवान एयरलाइन्सको उडान हुँदै चीन जान लागेको अवस्थामा पक्राउ गरेको हो।
१३ फागुन,काठमाडौं
त्रिभुवन अन्तर्राष्ट्रिय विमानस्थलबाट प्रहरीले एक स्विस महिलालाई अवैध रकमसहित पक्राउ गरेको छ। अन्तर्राष्ट्रिय उडान तर्फको प्रस्थान होल्ड ब्यागेज चेकिङ एरियाबाट बाह्य मुलुकतर्फ जान लागेको अवस्थामा स्विस नागरिक कुन्चोक खण्ड्रोलाई पक्राउ गरिएको प्रहरीले जनाएको छ। उनको साथबाट अमेरिकी डलर १० हजार ५ सय, युरो २६ हजार ७ सय, चाइनिज युआन ७ हजार ४ सय र स्विडेन मुद्रा ४३ हजारसहित पक्राउ गरिएको प्रहरीले जनाएको छ।
त्रिभुवन अन्तर्राष्ट्रिय विमानस्थल सुरक्षा कार्यालयबाट खटिएको प्रहरीले सिचुवान एयरलाइन्सको उडान हुँदै चीन जान लागेको अवस्थामा पक्राउ गरेको हो। खानतलासीको क्रममा उनले बोकेको ब्यागबाट ठूलो परिणाममा विदेशी मुद्राहरू फेला परेको प्रहरीले जनाएको छ। उनलाई आवश्यक अनुसन्धान तथा कारवाहीको लागि राजश्व अनुसन्धान विभाग हरिहरभवन पुल्चोक पठाइएको प्रहरीले जनाएको छ।
प्रतिक्रिया