९ चैत्र २०८२, सोमबार

धोबीखोलामा करिब २५ वर्षीय युवकको श*व फेला

१८ मंसिर, काठमाडौं ।

काठमाडौँको अनामनगरस्थित धोबीखोलामा एक युवकको शव फेला परेको छ।  प्रहरी परिसर काठमाडौँका प्रवक्ता पवन भट्टराईले मृतक युवकको पहिचान खुल्न बाँकी रहेको जानकारी दिए।

‘अनामनगरस्थित मदन भण्डारी कलेज नजिकै आज बिहान साइकलसहित युवकको शव भेटिएको हो,’ उनले भने, ‘अहिले हाम्रो टोली घटनास्थलमा पुगेर शव निकालेको छ। यस सम्बन्धमा थप अनुसन्धान जारी छ।’ ती युवको साथमा रहेको कागजातबाट पहिचान खुलाउने प्रयास भइरहेको एसपी भट्टराईले बताए। ती युवक गएराति साइकलसहित धोबीखोलामा खसेको अनुमान प्रहरीले गरेको छ। धाेबीखाेलमा शव देखेपछि स्थानीयले प्रहरीलाई खबर गरेका थिए।

Previous post

आज किराँत समुदायको उँधौली पर्व, देशभर सार्वजनिक बिदा

Next post

देशमा मनाइने हरेक पर्वले विविधतामा एकता र सहअस्तित्वमा शक्ति भएको राष्ट्रका रूपमा चिनाउने अवसर प्रदान गरेको छ : उपराष्ट्रपति

Post Comment

छुटाउनुभयो कि ?