धनुषामा गोली हानेर लागूऔषध कारोबारी पक्राउ

अपराध समाचार प्रेस संवाददाता

धनुषामा गोली हानेर लागूऔषध कारोबारी पक्राउ

२८ साउन, जनकपुरधाम ।

धनुषामा प्रहरीले गोली हानेर लागूऔषध कारोबारीलाई पक्राउ गरेको छ। बुधबार प्रहरीले गोली चलाउँदा एकजना पुरुषको खुट्टामा गोली लागेको धनुषाका प्रहरी प्रवक्ता प्रहरी नायव उपरीक्षक बरुणबहादुर सिंहले जानकारी दिए । उनले प्रहरीले एक महिलालाई समेत लागूऔषध ब्राउन सुगरसहित पक्राउ गरिएको बताए।

बुधबार करिब साढे ४ बजे मिथिला नगरपालिका २, नक्टाझिझ स्थित ढल्केवर बस्ने ४८ वर्षीय पप्पु साह घाइते भएका छन्। उनको दाहिने खुट्टामा गोली लागेको छ भने रमदैया स्थित अस्पतालमा उपचार भइरहेको छ। यस्तै हंसपुर नगरपालिका ५, बस्ने ३० वर्षीया सेलोदेवी रामलाई पक्राउ गरिएको हो । यस घटना सम्बन्धमा थप अनुसन्धान भइरहेको प्रहरीले जनाएका छन् ।