अनुदान कटौतीप्रति उखु किसानको असन्तुष्टि, सरकारसँग पुनर्विचारको माग

८ असार, महोत्तरी : 

महोत्तरीसहित मधेस क्षेत्रका उखु किसानहरूले सरकारसँग आगामी वर्षको बजेटमा उखुखेतीमा दिइँदै आएको अनुदानलाई समेट्न माग गरेका छन्। संघीय सरकारको आगामी आर्थिक वर्ष २०८२/८३ का बजेटमा उखुखेतीको अनुदान उल्लेख नभएपछि किसानहरूले पुनर्विचारको माग गर्दै आवाज उठाएका हुन्।

‘सरकारको अनुदानले हामीजस्ता किसानलाई धेरै राहत मिल्दथ्यो,’ बर्दिबास–९ का किसान महेन्द्र महतो भन्छन्, ‘यसपटक बजेटमै समावेश नभएपछि गम्भीर असर पर्न पर्छ। सरकार फेरि सोचोस्।’ महतोसहित अधिकांश किसानले विगतमा पाइरहेको अनुदान निरन्तर जारी राख्नुपर्ने बताए। सरकारले पछिल्ला सात वर्षदेखि चिनी उद्योगमा बुझाइएको उखुको तौलअनुसार किसानलाई अनुदान दिँदै आएको थियो। तर, यसपटक बजेटमा त्यसबारे कुनै स्पष्टता नआएको किसानको भनाइ छ।  बीस वर्ष भयो उखुखेती गरेको, अहिले आएर खेतीबाट हात झिक्नुपर्ने अवस्था आउँदैछ,’ भङ्गाहा–४, रामनगरका ५० वर्षीय किसान अरुण गिरी भन्छन्, ‘अनुदान ढिलो भए पनि पाउँदा खर्च धान्न सजिलो हुन्थ्यो, अब वैकल्पिक खेतीतिर लाग्नुपर्ने देखिएको छ।’