यी हुन् एक खर्बभन्दा बढी बजेट पाउने चार मन्त्रालय

अर्थ राजनीति समाचार प्रेस संवाददाता

यी हुन् एक खर्बभन्दा बढी बजेट पाउने चार मन्त्रालय

१५ जेठ, काठमाडौं ।

आगामी आर्थिक वर्ष २०८२/८३ का लागि चार वटा मन्त्रालयले एक खर्बभन्दा बढी बजेट पाएका छन् । बिहीबार सार्वजनिक बजेटअनुसार सबैभन्दा बढी शिक्षा, विज्ञान तथा प्रविधि मन्त्रालयले पाएको छ । देशभरका शिक्षक, कर्मचारीको तलब भत्ता, विद्यार्थीका लागि दिवा खाजा तथा अन्य शैक्षिक प्रतिष्ठानका लागि खर्च गर्ने गरी रु दुई खर्ब ११ अर्ब १७ करोड विनियोजन गरिएको छ ।

यस्तै, भौतिक पूर्वाधार तथा यातायात मन्त्रालयले रु एक खर्ब ५२ अर्ब बजेट पाएको छ । देशभरका भौतिक पूर्वाधारसँग सम्बन्धित परियोजना कार्यान्वयनका लागि उक्त बजेट उपलब्ध गराइएको हो । आगामी आवको बजेटमा सहरी विकास मन्त्रालयका लागि रु एक खर्ब १८ अर्ब ३४ करोड विनियोजन भएको छ । यसैगरी गृह मन्त्रालयलाई २ खर्ब ८ अर्ब ६२ करोड बजेट उपलब्ध गराइएको छ ।