आईपीएल : धोनीको कप्तानीमा सिजनको पहिलो खेल खेल्दै चेन्नई
सारांश
- खेल नेपाली समयअनुसार राति ७ः४५ बजे चेन्नईमा सुरु हुनेछ ।
- आजको खेलबाट महेन्द्रसिंह धोनी चेन्नईको कप्तानमा पुनः फर्कनेछन् ।
- सिजनको पहिलो खेलमा मुम्बई इन्डियन्सलाई हराएको चेन्नईले सो पछिका चार खेलमा लगातार हार भोगेको थियो ।
ईण्डियन प्रिमियर लिग (आईपीएल) मा शुक्रबार चेन्नई सुपर किङ्स र कोलकाता नाइट राइडर्सबीच प्रतिस्पर्धा हुँदैछ । खेल नेपाली समयअनुसार राति ७ः४५ बजे चेन्नईमा सुरु हुनेछ । आजको खेलबाट महेन्द्रसिंह धोनी चेन्नईको कप्तानमा पुनः फर्कनेछन् । सिजनको पहिलो खेलमा मुम्बई इन्डियन्सलाई हराएको चेन्नईले सो पछिका चार खेलमा लगातार हार भोगेको थियो ।
१० टोली सहभागी प्रतियोगिताको नवौं स्थानमा रहेपछि चेन्नईले धोनीलाई कप्तानको जिम्मेवारी सुम्पिएको हो । सिजनमा यसअघिका पाँचै खेलमा रितुराज गाइक्वाडले चेन्नईको कप्तानी गरेका थिए । अजन्क्या रहाणेको कमानीमा रहेको कोलकाता ४ अंकमा छैठौं स्थानमा छ । आजको खेलमा जित निकाल्न सके चेन्नईले कम्तीमा दुई स्थान सुधार गर्नेछ । जितले कोलकातालाई भने शीर्ष चारमा प्रवेश गराउनेछ । धोनीको कप्तानीमा चेन्नईले पाँच पटक आईपीएलको उपाधि जितेको छ भने कोलकाता डिफेन्डिङ च्याम्पियन हो ।
प्रतिक्रिया