कुलमान घिसिङको रिट दर्ता, भोलिका लागि पेसीमा चढ्यो
सारांश
- आफूलाई नेपाल विद्युत प्राधिकरण कार्यकारी निर्देशकबाट हटाउने सरकारको निर्णय बदर गर्न माग गरी कुलमान घिसिङले सर्वोच्च अदालतमा रिट दायर गरेका छन् ।
- घिसिङका प्रतिनिधि रिट लिएर बुधबारै सर्वोच्चमा पुगे पनि समय नपुगेकाले बिहीबार मात्र सो रिट दर्ता भएको छ ।
- रिट दर्तासँगै शुक्रबारका लागि पेसीमा समेत चढेको छ ।
१४ चैत, काठमाडौं ।
आफूलाई नेपाल विद्युत प्राधिकरण कार्यकारी निर्देशकबाट हटाउने सरकारको निर्णय बदर गर्न माग गरी कुलमान घिसिङले सर्वोच्च अदालतमा रिट दायर गरेका छन् । घिसिङका प्रतिनिधि रिट लिएर बुधबारै सर्वोच्चमा पुगे पनि समय नपुगेकाले बिहीबार मात्र सो रिट दर्ता भएको छ ।
रिट दर्तासँगै शुक्रबारका लागि पेसीमा समेत चढेको छ । घिसिङलाई सोमबारको मन्त्रिपरिषद् बैठकले पदबाट बर्खास्त गरी हितेन्द्रदेव शाक्यलाई कार्यकारी निर्देशकमा नियुक्त गरेको थियो । उता घिसिङसँगै शाक्य पनि सर्वोच्च पुगेका छन् । यसअघि उनलाई पनि तत्कालीन सरकारले पदबाट हटाएको थियो । र सो रिटको टुंगो लागेको छैन ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया