रास्वपा महाधिवेशन : प्रतिनिधिका नामावलीमाथि बिहानैदेखि दाबी विरोध जारी
सारांश
- राष्ट्रिय स्वतन्त्र पार्टी (रास्वपा) को महाधिवेशन प्रतिनिधिका लागि आज पनि बिहानैदेखि दाबी विरोध सुरु भएको छ ।
- हिजो उद्घाटनसत्र सकेलगत्तै दाबी विरोधका लागि समय दिइएको थियो ।
- तर, राति ८ बजेपश्चात् फाराम वितरण रोकिएको थियो ।
८ असार, काठमाडौं ।
राष्ट्रिय स्वतन्त्र पार्टी (रास्वपा) को महाधिवेशन प्रतिनिधिका लागि आज पनि बिहानैदेखि दाबी विरोध सुरु भएको छ । हिजो उद्घाटनसत्र सकेलगत्तै दाबी विरोधका लागि समय दिइएको थियो । तर, राति ८ बजेपश्चात् फाराम वितरण रोकिएको थियो ।
रास्वपा नेता नेत्र लामिछानेका अनुसार आज १० बजेसम्म फाराम वितरण गरिनेछ । त्यसपछि प्रतिनिधिमाथि आएका दाबी विरोधमाथि छलफल गरी निर्णय गरिनेछ । त्यसपछि मात्रै अन्तिम नामावली प्रकाशन हुनेछ । नामावली प्रकाशन भएपछि मात्रै प्रतिनिधिहरूलाई कार्ड उपलब्ध गराइनेछ, जसमा भोटिङ राइट्स उल्लेख हुन्छ ।
सबै जिल्लाबाट महाधिवेशनमा सहभागी हुन आएका कतिपय रास्वपा प्रतिनिधिले आफ्नो नाम प्रतिनिधिबाट हटेको गुनासो गरेका छन् । सोही गुनासो सम्बोधनका लागि दाबी विरोधको समय दिइएको हो ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया