सर्लाहीमा बस र म्याजिक अब नयाँ बसपार्कबाटै सञ्चालन हुने
सारांश
- लामो समयदेखि बस व्यवसायी र म्याजिक व्यवसायीबीच देखिएको विवाद समाधान भएको छ।
- बुधबार बिहान जिल्ला प्रशासन कार्यालयमा भएको छलफलपछि दुवै पक्षबीच सहमति जुट्दै अब बस तथा म्याजिक दुवै सवारी साधन नयाँ बसपार्कबाटै सञ्चालन हुने भएका छन्।
- बैठकले म्याजिकलाई १५ मिनेटको अन्तरालमा सञ्चालन गर्ने व्यवस्था गरेको छ भने बसहरू आफ्नो नियमित समयतालिकाअनुसार छुट्नेछन्।
२ पुस, सर्लाही ।
लामो समयदेखि बस व्यवसायी र म्याजिक व्यवसायीबीच देखिएको विवाद समाधान भएको छ। बुधबार बिहान जिल्ला प्रशासन कार्यालयमा भएको छलफलपछि दुवै पक्षबीच सहमति जुट्दै अब बस तथा म्याजिक दुवै सवारी साधन नयाँ बसपार्कबाटै सञ्चालन हुने भएका छन्। बैठकले म्याजिकलाई १५ मिनेटको अन्तरालमा सञ्चालन गर्ने व्यवस्था गरेको छ भने बसहरू आफ्नो नियमित समयतालिकाअनुसार छुट्नेछन्। साथै, राजश्री चौकदेखि दक्षिणतर्फ दुवै सवारी साधनलाई प्रवेश निषेध गरिएको छ।
निर्णयअनुसार प्रत्येक चौकमा पाँच मिनेटभन्दा बढी सवारी रोक्न नपाइने, क्षमता भन्दा बढी यात्रु नबोक्ने नियम लागू गरिनेछ। जिल्ला ट्राफिक प्रहरी कार्यालयको समन्वयमा समय कार्ड प्रयोग गरिने र यसअघि नवलपुरमा बस तथा म्याजिक व्यवसायीबीच भएको सहमतिको पालना पनि गरिने जिल्ला प्रशासन कार्यालयले जनाएको छ। यदि निर्णय कार्यान्वयनमा समस्या देखा परेमा दुवै व्यवसायी वा प्रशासनको मध्यस्थतामा पुनः बैठक बसेर समाधान खोजिने व्यवस्था गरिएको छ। नयाँ बसपार्कबाटै बस र म्याजिक सञ्चालन हुने भएपछि अव्यवस्थित पार्किङ, सडक जाम तथा यात्रुहरूलाई हुने असहजता कम हुने अपेक्षा गरिएको छ। प्रशासनले निर्णयलाई इमान्दारीपूर्वक कार्यान्वयन गर्न दुवै पक्षलाई आग्रह गरेको छ।
प्रतिक्रिया