कवाड व्यवसायीले गृहमन्त्रीलाई बुझाए ५ बुँदे मागसहित ज्ञापनपत्र
सारांश
- कवाड व्यवसायी समाजले व्यवसायीमाथि भइरहेको दमन तत्काल रोक्न माग गर्दै गृहमन्त्री ओमप्रकाश अर्याललाई ज्ञापनपत्र बुझाएको छ ।
- समाजका अध्यक्ष रामकेवल गुप्ता र कवाड व्यवसायी ओमप्रकाश सिंहले बुधबार आफ्नो ५ बुँदे मागसहितको ज्ञापनपत्र गृहमन्त्री अर्याललाई बुझाएका हुन् ।
- ज्ञापनपत्र बुझ्दै मन्त्री अर्यालले कवाड व्यवसायी र कवाड संकलक मजदुरमाथिको ज्यादती रोक्न आफू प्रतिबद्ध रहेको बताएका छन् ।
२४ मंसिर, काठमाडौं ।
कवाड व्यवसायी समाजले व्यवसायीमाथि भइरहेको दमन तत्काल रोक्न माग गर्दै गृहमन्त्री ओमप्रकाश अर्याललाई ज्ञापनपत्र बुझाएको छ । समाजका अध्यक्ष रामकेवल गुप्ता र कवाड व्यवसायी ओमप्रकाश सिंहले बुधबार आफ्नो ५ बुँदे मागसहितको ज्ञापनपत्र गृहमन्त्री अर्याललाई बुझाएका हुन् । ज्ञापनपत्र बुझ्दै मन्त्री अर्यालले कवाड व्यवसायी र कवाड संकलक मजदुरमाथिको ज्यादती रोक्न आफू प्रतिबद्ध रहेको बताएका छन् ।
समाजले संविधानले दिएको पेसा व्यवसाय गर्ने अधिकारको पूर्ण ग्यारेन्टी गर्नुपर्ने, कवाड व्यवसायी, संकलक र मजदुरमाथि भइरहेको कुटपिट, अपहरण, ज्यादती, संरचना भत्काउनेजस्ता कार्यहरू तत्काल रोक्नुपर्ने, ज्यादतीमा संलग्न काठमाडौं महानगरका प्रहरी र जिम्मेवार व्यक्तिहरूलाई कानूनी कारबाही गर्नुपर्ने, कवाड व्यवसायी, संकलक र मजदुरको जिउधनको सुरक्षा सुनिश्चित गर्न सरकारले तत्काल कदम चाल्नुपर्ने माग राखेको छ ।
प्रतिक्रिया