तीनवटै उच्च जोखिमयुक्त सिजेरियन शल्यक्रिया सफल
सारांश
- सचिन यादव।
- सर्लाहीको मलंगवास्थित प्रदेश अस्पतालमा तीन जना गर्भवती महिलाको जटिल सिजेरियन शल्यक्रिया सफलतापूर्वक सम्पन्न गरिएको छ।
- सबै केसहरू उच्च जोखिमयुक्त रहेका थिए, तर अस्पतालको दक्ष चिकित्सक र स्वास्थ्यकर्मीहरूको समन्वयमा सुरक्षित रूपमा सन्तान जन्माइएको छ।
सर्लाही — डा. सचिन यादव।
सर्लाहीको मलंगवास्थित प्रदेश अस्पतालमा तीन जना गर्भवती महिलाको जटिल सिजेरियन शल्यक्रिया सफलतापूर्वक सम्पन्न गरिएको छ। सबै केसहरू उच्च जोखिमयुक्त रहेका थिए, तर अस्पतालको दक्ष चिकित्सक र स्वास्थ्यकर्मीहरूको समन्वयमा सुरक्षित रूपमा सन्तान जन्माइएको छ।
पहिलो केसमा २२ वर्षीया गर्भवती महिलालाई प्रि-एक्लेम्प्सिया र म्याक्रोसोमिया भएको थियो। ४० हप्ता ६ दिनको गर्भपछि सिजेरियनमार्फत ३६५० ग्रामको जीवित छोराको जन्म भयो।
दोस्रो केसमा २५ वर्षीया महिलाको पहिलाका दुई सन्तान सिजेरियनबाट जन्मिएका थिए। यस पटक पनि सफल सिजेरियन गरी ३४५० ग्राम तौलको जीवित छोराको जन्म गराइयो।
तेस्रो केसमा २४ वर्षीया महिला, जसलाई पहिल्यै एकपटक सिजेरियन गरिएको थियो र डायबेटिजको उपचारमा थिइन्, उनको पनि सुरक्षित सिजेरियन शल्यक्रिया गरी ३२६० ग्रामको जीवित छोरीको जन्म भयो।
तीनवटै शल्यक्रियामा कुनै जटिलता देखिएन र आमा तथा नवजात दुवैको अवस्था सामान्य रहेको अस्पतालले जनाएको छ।
शल्यक्रिया टोलीमा वरिष्ठ प्रसूति तथा स्त्रीरोग विशेषज्ञ डा. सचिन यादवको नेतृत्वमा स्क्रब नर्स SN पितुल, रिंकु र बिना यादव, साथै एनेस्थेसिया निरीक्षक राकेश यादव सहभागी थिए।
प्रतिक्रिया