देउवाले बोलाए कांग्रेस संसदीय दलको बैठक

३ जेठ, काठमाडौँ ।

सत्तारुढ दल नेपाली कांग्रेसको संसदीय दलको बैठक आज बस्दैछ । पार्टी सभापति एवं पूर्वप्रधानमन्त्री शेरबहादुर देउवाले बैठक आह्वान गरेका हुन् ।  संसद् भवन नयाँ बानेश्वरस्थित लोल्से हलमा दिउँसो २ बजेका लागि तय गरिएको बैठकमा आगामी आर्थिक वर्षको बजेट तयारी तथा विनियोजन विधेयकका सिद्धान्त र प्राथमिकतामाथि गहन छलफल हुने कांग्रेस संसदीय दलको कार्यालयले जनाएको छ ।

वर्तमान सत्रको संसद् गतिविधि, बजेट प्रस्तुतिका तयारी, सरकारको नीति तथा कार्यक्रमसँग सम्बन्धित रणनीतिमा पनि बैठकमा धारणा तय गरिने जनाइएको छ । बैठकमा कांग्रेसका सबै सांसदलाई समयमै उपस्थित हुन आग्रह गरिएको छ । आर्थिक वर्ष २०८२/८३ को बजेट आगामी जेठ १५ गते प्रस्तुत हुँदैछ । त्यसको सन्दर्भमा कांग्रेसले आफ्नो नीति, प्राथमिकता र रणनीतिक धारणा तयार पार्ने उद्देश्यसहित बैठक आयोजना गरेको हो ।