‘जडीबुटी कम्पनीमा २५ टन तेल छ, आगो ननिभाए ठूलो क्षति हुनसक्छ’
सारांश
- कोटेश्वरस्थित जडीबुटी उत्पादन तथा प्रशोधन कम्पनीमा आगजनी अझै नियन्त्रणमा आएको छैन ।
- कम्पनीकी महाप्रबन्धक संगीता यादवका अनुसार कार्यालयको मुख्य भवनमा आगजनी भएको छ ।
- त्यससँगै रहेको भवनमा ‘सञ्चो’ उत्पादन हुने गर्छ ।
१५ चैत, काठमाडौं ।
कोटेश्वरस्थित जडीबुटी उत्पादन तथा प्रशोधन कम्पनीमा आगजनी अझै नियन्त्रणमा आएको छैन । कम्पनीकी महाप्रबन्धक संगीता यादवका अनुसार कार्यालयको मुख्य भवनमा आगजनी भएको छ । त्यससँगै रहेको भवनमा ‘सञ्चो’ उत्पादन हुने गर्छ । स्टोरमा प्राय: गरी प्रज्जवनशील पदार्थहरू रहेकाले त्यहाँ आगो लाग्यो भने ठूलो विस्फोट हुने यादवले जानकारी दिइन् ।
‘उक्त भवनमा २५ टन तेल छ । आगो सल्किएमा जडीबुटी क्षेत्रको ध्वस्त हुनसक्छ’, यादवले अनलाइनखबरसँग भनिन्, ‘आगो निभाउन कतैबाट पनि अहिलेसम्म पहल भएको छैन ।’ दुर्गा प्रसाईं नेतृत्वको भएको आन्दोलनकारीले पार्किङमा रहेका आधा दर्जन गाडी जलाएका छन् । ‘हामी अफिसका कर्मचारीभित्र बसेर काम गरिहेका थियौं । अचानक बाहिरबाट ढुंगामुढा गर्न थाले’, यादवले भनिन्, ‘भवनको सिसा फुटाउन थालेपछि ज्यान जोगाउन पछाडिको बाटो भएर भाग्यौं ।’
प्रतिक्रिया