प्रधानमन्त्री ओलीले बोलाए चिकित्सा शिक्षा आयोगको बैठक
सारांश
- प्रधानमन्त्री केपी शर्मा ओलीले चिकित्सा शिक्षा आयोगको बैठक बोलाएका छन् ।
- आयोगका अध्यक्षसमेत रहेका उनले आज (आइतबार) बिहान ११ बजेका लागि बैठक बोलाएका हुन् ।
- बैठक प्रधानमन्त्री निवास बालुवाटारमा बस्ने तयारी भइरहेको स्रोतले जनाएको छ ।
९ मंसिर, काठमाडौं । प्रधानमन्त्री केपी शर्मा ओलीले चिकित्सा शिक्षा आयोगको बैठक बोलाएका छन् । आयोगका अध्यक्षसमेत रहेका उनले आज (आइतबार) बिहान ११ बजेका लागि बैठक बोलाएका हुन् ।
बैठक प्रधानमन्त्री निवास बालुवाटारमा बस्ने तयारी भइरहेको स्रोतले जनाएको छ । चिकित्सा शिक्षातर्फ स्नातकोत्तर तह (पीजी) को भर्नाका विषयमा निजी मेडिकल कलेजसँग विवाद भइरहेका बेला आयोगको बैठक बोलाइएको हो । तर आजको बैठकको एजेन्डामा विवादित पीजी भर्नाको विषय भने उल्लेख छैन । आयोगको बैठकका एजेन्डामा आयोगको गत आर्थिक वर्षमा भएका उपलब्धिको समीक्षा, चिकित्सा शिक्षा प्रदायक शिक्षण संस्था तथा शैक्षिक कार्यक्रम गाभ्ने कार्यविधिलगायत एजेनडा तय भएका छन् ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
![नेपाली सेनाले माग्यो २८० जना अधिकृत [सूचनाासहित]](https://press4k.com/wp-content/uploads/2024/08/nepal-army-head-office-300x158.jpg)
प्रतिक्रिया