रास्वपा पहिलो पटक स्थानीय तहका लागि निर्वाचन लड्दै

उपनिर्वाचन कार्य तालिका

आयोगले मङ्सिर १६ गते हुने उपनिर्वाचनको लागि निर्वाचन कार्यक्रम सार्वजनिक गरिसेको छ । जसअनुसार २०८१ मङ्सिर २ गते बिहान १० बजेदेखि बेलुका ५ बजेसम्म निर्वाचन अधिकृतको कार्यालयमा उम्मेदवारको मनोनयन दर्ता हुनेछ । साथै सोही दिन बेलुका ५ बजेदेखि ६ बजेसम्ममा उम्मेदवारको सूची प्रकाशन हुने आयोगले विज्ञप्ति मार्फत जानकारी दिएको छ । आयोगको अनुसार उम्मेदवारको विरोधमा उजुरी दिने अवधि मिति २०८१ मङ्सिर ३ गते बिहान १० बजेदेखि दिउँसो ३ बजेसम्म हुनेछ । सोही दिनको दिउँसो ३ बजे उपरान्त मङ्सिर ४ गते बेलुका ५ बजेसम्ममा मनोनयन पत्र र उजुरी उपर जाँचबुझ एवम् निर्णय गरी मङ्सिर ४ गते बेलुका ५ बजेदेखि ६ बजेसम्ममा उम्मेदवारको नामावली प्रकाशन हुनेछ ।

२०८१ मङ्सिर ५ गते बिहान ९ बजेदेखि दिउँसो १ बजेसम्म उम्मेदवारको नाम फिर्ता लिन सकिनेछ । आयोगले सोही दिन दिउँसो १ बजेदेखि ३ बजेसम्ममा निर्वाचन अधिकृतको कार्यालयमा उम्मेदवारको अन्तिम नामावली प्रकाशन गर्ने र दिउँसो ३ बजेदेखि ५ बजे सम्ममा उम्मेदवारलाई निर्वाचन चिह्न प्रदान गर्ने जनाएको छ । निर्वाचन कार्यक्रम अनुसार मिति २०८१ मङ्सिर १६ गते बिहान ७ बजेदेखि बेलुका ५ बजेसम्म सम्बन्धित मतदान केन्द्रमा मतदान हुने र मतदान सुरु हुनुभन्दा अठचालिस घण्टा अगाडि अर्थात् २०८१ मङ्सिर १३ गते राति १२:०० बजे पछि मौन अवधि सुरु हुने आयोगले विज्ञप्ति मार्फत जानकारी दिएको छ । ४१ पदका लागि आयोगले उपनिर्वाचन गर्न लागेको हो ।