गण्डकीमा मुख्यमन्त्रीका लागि खगराजले गरे दाबी, बहुमत पुर्याउन जोडियो सभामुखको नाम
सारांश
- गण्डकी प्रदेशको मुख्यमन्त्रीका लागि नेकपा एमाले संसदीय दलका नेता खगराज अधिकारीले दाबी पेश गरेका छन् ।
- माओवादी केन्द्रका ८ तथा स्वतन्त्र हैसियतका दीपक मनाङेसहितको समर्थनमा अधिकारीले आइतबार प्रदेश प्रमुखसमक्ष मुख्यमन्त्रीमा दाबी पेश गरेका हुन् ।
- चैत्र २१ मा मुख्यमन्त्री सुरेन्द्र पाण्डेले राजीनामा गरेपछि प्रदेश प्रमुख डिल्लीराज भट्टले संविधानको धारा १६८ (२) अनुसारको सरकार गठनका लागि चैत्र २७ सम्मको समय दिएका थिए ।
२५ चैत काठमाडौं । गण्डकी प्रदेशको मुख्यमन्त्रीका लागि नेकपा एमाले संसदीय दलका नेता खगराज अधिकारीले दाबी पेश गरेका छन् ।
माओवादी केन्द्रका ८ तथा स्वतन्त्र हैसियतका दीपक मनाङेसहितको समर्थनमा अधिकारीले आइतबार प्रदेश प्रमुखसमक्ष मुख्यमन्त्रीमा दाबी पेश गरेका हुन् । चैत्र २१ मा मुख्यमन्त्री सुरेन्द्र पाण्डेले राजीनामा गरेपछि प्रदेश प्रमुख डिल्लीराज भट्टले संविधानको धारा १६८ (२) अनुसारको सरकार गठनका लागि चैत्र २७ सम्मको समय दिएका थिए । प्रदेश प्रमुखलाई हस्ताक्षर बुझाउन अधिकारी, माओवादीका हरिबहादुर चुमान र मनाङे प्रदेश प्रमुखको कार्यालय पुगेका थिए । 
६० सदस्यीय प्रदेशसभामा एमालेका २२ र माओवादीका ८ सांसद छन् । माओवादीका कृष्ण धिताल प्रदेश सभाको सभामुख बनेका कारण ७ सांसदले मात्र मतदान गर्न पाउँछन् । यसअघि कोशी प्रदेशमा सभामुख बाबुराम गौतमले गरेको हस्ताक्षरलाई अदालतले मान्यता दिएको थिएन । बहुमत पुर्याउन एमाले अध्यक्ष केपी शर्मा ओलीले राप्रपासँग आग्रह गरे पनि राप्रपाले आफू तटस्थ बस्ने बताएको थियो । 
प्रतिक्रिया