इरानले भन्यो – हामीलाई संयमता अपनाऊ भन्नुको अर्थ छैन

अन्तर्राष्ट्रिय समाचार प्रेस संवाददाता

इरानले भन्यो – हामीलाई संयमता अपनाऊ भन्नुको अर्थ छैन

८ चैत, काठमाडौं ।

इरानको विदेश मन्त्रालयले आफ्नो देशलाई संयमताका लागि अपिल गर्नुको कुनै अर्थ नभएको बताएको छ । इरानको सरकारी समाचार एजेन्सी आईआरएनएकाअनुसार विदेश मन्त्रालयका प्रवक्ता इस्माइल बाघेईले आक्रमण भएको देशबाट यस्तो कुराको अपेक्षा गर्नु अनुचित भएको बताएका हुन् ।

उनले भने, ‘युद्ध रोक्ने जिम्मेवारी तिनै देशको हो, जसले सुरुवात गरे ।’ गत फेब्रुअरी २८ मा अमेरिका र इजरायलले इरानमा संयुक्त हवाई आक्रमण गरेयता युद्ध जारी छ । पहिलो दिनकै आक्रमणमा इरानका सर्वोच्च नेता अयातुल्लाह अली खामेनीसहित धेरै जना शीर्ष नेता तथा वरिष्ठ अधिकारी मारिएका थिए ।

बदलामा इरानले खाडी क्षेत्रमा रहेका अमेरिकाका सहयोगी देशमा हवाई हमला गर्दा पूरै मध्यपूर्व द्वन्द्वमा फसेको छ । यसैबीच इरानले शनिबारदेखि इजरायलविरुद्ध आक्रमण तीव्र पारेको छ ।