कोरिया पठाउने भन्दै ३ लाख ठग्ने एक व्यक्ति पक्राउ
सारांश
- वैदेशिक रोजगारीका लागि कोरिया पठाउने भन्दै रकम ठगी गर्ने एक जना पक्राउ परेका छन् ।
- आकर्षक तलबको प्रलोभनमा पारेर कोरियाको सपना देखाएर रकम ठगी गर्ने ४३ वर्षीय खडानन्द लामिछाने पक्राउ परेका हुन् ।
- लामिछानेको स्थायी ठेगाना गोर्खा जिल्ला भीमसेनथापा गाउँपालिका वडा नं.
१ पुस, काठमाडौं ।
वैदेशिक रोजगारीका लागि कोरिया पठाउने भन्दै रकम ठगी गर्ने एक जना पक्राउ परेका छन् । आकर्षक तलबको प्रलोभनमा पारेर कोरियाको सपना देखाएर रकम ठगी गर्ने ४३ वर्षीय खडानन्द लामिछाने पक्राउ परेका हुन् ।
लामिछानेको स्थायी ठेगाना गोर्खा जिल्ला भीमसेनथापा गाउँपालिका वडा नं. ३ हो भने हाल उनी काठमाडौँ जिल्ला टोखा नगरपालिका वडा नं. ३ बस्दै आएका थिए । पीडितले दिएको उजुरीका आधारमा उनलाई काठमाडौँ उपत्यका अपराध अनुसन्धान कार्यलयबाट खटिएको प्रहरी टोलीले मंसिर २९ गते काठमाडौँ महानगरपालिका वडा नं. ९ बाट पक्राउ गरेको हो । प्रहरीका अनुसार लामिछानेले एक जना व्यक्तिलाई कोरिया पठाउने भन्दै ३ लाख रुपैयाँ लिएर सम्पर्क विहिन भएका थिए । हाल उनलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाइएको छ ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया