२८ मंसिर, सङ्खुवासभा ।

सङ्खुवासभाको चैनपुर नगरपालिका –४ मैदानेमा आगो निभाउने क्रममा जलेर वृद्धको मृत्यु भएको छ। चैनपुर–४ मैदानेमा आगो निभाउने क्रममा जलेर ८८ वर्षीय वृद्ध दिल बहादुर लिम्बुको मृत्यु भएको जिल्ला प्रहरी कार्यालयका प्रहरी निरीक्षक धन बहादुर राजवंशीले बताए। चैनपुर–४ मैदाने श्याम चौकमा ग्यास लिग भएर श्याम लिम्बुको घरमा आगलागी भएको थियो।

आगो निभाउने क्रममा आगो बढ्दै गएका जलेर श्यामका बुवा ८८ वर्षीय वृद्ध दिल बहादुरको मृत्यु भएको प्रहरी निरीक्षक राजवंशीले बताए। वृद्धको शव प्राथमिक स्वास्थ्य चौकी चैनपुरमा पोस्टमार्टमप्रश्चात परिवारको जिम्मा लगाएको छ।  आगलागीबाट जलेर ढुङ्गा सिमेन्टले बनेको पक्की घरको जलेर नष्ट भएको छ। आगो प्रहरी र स्थानीयको सहयोगमा करिब २ घण्टापछि मात्र नियन्त्रणमा आएको थियो। आगलागीमा परेर एक सय ५० मन अलैंची, १४ तोला सुन,१० लाख रुपैयाँ नगद किराना पसलका सामान, अन्नपात, भाडावर्तन र लत्ताकपडा जलेर पूर्ण रूपमा नष्ट भएको प्रहरीले जनाएको छ। आगलागीबाट करिब दुई करोड ३६ लाख रुपैयाँ बराबरको क्षति भएको जिल्ला प्रहरी कार्यालयले जनाएको छ।