खराब मौसमका कारण तीन विमानस्थलमा उडान स्थगित
१५ कात्तिक, काठमाडौं ।
लगातारको वर्षाका कारण देशका तीन विमानस्थलमा शनिबार उडान स्थगित भएका छन्। बिहीबारदेखि जारी खराब मौसमका कारण भरतपुर, सुर्खेत र तुम्लिङटार विमानस्थलमा हवाई सेवा अवरुद्ध भएको हो।
पश्चिमी वायु र अरब सागरमा बनेको न्यून चापीय प्रणालीको प्रभावले देशभर वर्षा भइरहेको मौसम पूर्वानुमान महाशाखाले जनाएको छ। मौसमविद्हरूका अनुसार भोलिदेखि देशका अधिकांश भूभागमा मौसम क्रमशः सुधार हुँदै जाने अनुमान गरिएको छ।
Post Comment