ट्रम्पलाई अमेरिकी अदालतको झट्का, राष्ट्रिय गार्ड तैनाथीमा लगायो रोक
२६ असोज, अमेरिका ।
अमेरिकाको संघीय पुनरावेदन अदालतले राष्ट्रपति डोनाल्ड ट्रम्पको प्रशासनले इलिनोइसमा राष्ट्रिय गार्ड तैनाथ गर्न नसक्ने फैसला गरेको छ। सिकागोस्थित अमेरिकी पुनरावेदन अदालतको सातौँ सर्किट बेन्चले पनि उक्त सुरक्षा बल तत्कालका लागि संघीय नियन्त्रणमा रहन सक्ने बताएको छ।
यो निर्णयले सिकागो क्षेत्रमा राष्ट्रिय गार्ड तैनाथी रोक्ने तल्लो अदालतको आदेशलाई आंशिक रूपमा समर्थन गरेको छ। अदालतले यस्तो तैनाथीले “नागरिक अशान्तिलाई बढावा दिने” र “आगोमा घिउ थप्न सक्ने” बताएको छ। ट्रम्पले यसअघि लस एन्जलस, वासिङटन, डीसी र पोर्टल्यान्ड, ओरेगनजस्ता डेमोक्र्याटिक नेतृत्वका सहरमा राष्ट्रिय गार्ड तैनाथ गरिसकेका छन्।
Post Comment